Konstrusaun Edifisiu Prokuradória Munisípiu Lautém Gastus $710,074.64
Naunil Media (Lautém), Konstrusaun edifisiu foun Ministériu Públiku (MP) iha Munisipiu Lautem sei halo gastus orsamentu ho montante U$710,074.64.
Kontrusaun edifisiu MP foun iha munisípiu Lautém, iha Kuarta (24/06) ne’e, ekipa Ministériu Públiku no akonpaña husi autoridade Munisípal.
Hafoin serimónia lansamentu primeira pedra, Adjuntu Prokuradoria Jeral, Afónso Lopes, hateten lansamentu primeira pedra hanesan faze dahuluk ba konstrusaun edifisiu foun Ministériu Públiku nian no sai previlejiu Munisípiu Lautém.
“Planu seitór justisa nian iha tinan 2010 to’o 2030, objetivu no prinsipiu oinsa lori justisa ba hakbesik povu”,
Adjuntu Prokuradria, Afónso Lopes, haktuir tinan 2010 Ministériu Públiku loke prokudoria distrital iha munisipiu sira hanesan, Bobonaro, Ermera, Vikeke no dadaun ne’e iha Munisipiu Lautem.
“Populasaun iha Munisípiu sira hamrok ba justisa, hanesan postu administrativu sira iha Munisipiu Lautem, Luru, Iliomar, Tutuala sira sente difikuldade transporte liu-liu kondisaun estrada, nune’e mak Ministériu publiku hakarak lori justisa ba hakbesik povu Lautém”, tenik Nia.
Iha fatin hanesan, Diretór kompaña Kambota LDA, Carlos Manuel Pereira Gonsalves, promote sei servisu ho di’ak hodi garantia kualidade projetu.
“Orsamentu ba konstrusaun ne’e, alokasaun husi Osamentu Jeral do Estado (OJE) iha tinan 2010-2018 no 2019 nian husi fundu kapital dezemvolvimentu”, dehan diretór kompaña ne’e.
Konstrusaun edifisiu ne’e ho durasaun fulan 8, rai ho medida 100×50, edifisiu ne’e sei iha rejidensia ba fatin Jeradór ho seguransa nian, orsamentu ba edifisiu ne’e ho montante U$710,074.64. Latu
