ESTV COVEM Realiza Ezame PAP ba Estudante-65
Naunil Media (Manufahi), Segunda (05/10) ne’e, Eskola Sekundaria Teknika Vokasionál Combantente Veteranus Manufahi (ESTV COVEM) hala’o ezame Provas Aptidaun Profissional (PAP) ba estudante nain-65 tuir area ne’ebe la-hanesan.
Adjuntu Diretór ESTV COVEM, Aleixo Guterres, esplika teste ne’e realiza molok estudante sira ba tuir ezame nasionál.
“Ezame ba datoluk bazeia ba sira nia peskiza durante semana ida iha terenu, hahu iha loron 6 to’o 12 fulan Agostu” Adjuntu Diretór ESTV COVEM, Aleixo Guterres, ba jornalista sira, iha nia kna’ar fatin postu Same.
Nia argumeta, ezame foku liu-ba area sira mak durante ne’e estudante sira apriende ona.
“foku liu-ba sira nia area produtivu rasik, bazeia ba sira nia peskiza durante sira hetan iha terenu, kompostu husi korsu tolu inklui husi kursu informatika, Hotelaria no Konstrusau Sivíl hodi indentifika problema relevante ho sira nia kontiudu”, tenik Nia.
Estudante sira mak kompleta ezame PAP kompostu husi mane-37, feto- 28 ho total estudante-65. Nfm
