Jurídikamente PD-Khunto Seidauk Retira Hosi Koligasaun Foun
Naunil Media (Díli), Vise Xefe Bankada CNRT, Patrocino Fernandes, deklara Partidu Klibur Haburas Unidade Nasionál Timor Oan (KHUNTO) no Partidu Demokrátiku (PD) hato’o ona karta rejignasaun hosi Koligasaun Foun, ba prezidente Partidu CNRT, Kay Rala Xanana Gusmão.
Deputadu Patrocino, hatutan polítikamente PD-Khunto retira ona hosi Koligasaun Foun, maibe jurídikamente seidauk, tanba seidauk iha konferensia ruma tuir Lei Partidu polítiku nian.
“Partidu Khunto ho PD mak kontribui hodi forma koligasaun foun priense ba rekezitu maiória parlamentar, maibé partidu rua ne’e rasik halo traisaun ba koligasaun, agora la prense rekezitu maiória parlamentar”, informa vise xefe bankada CNRT, Pariocino Fernandes, ba jorlaista sira iha Parlamentu Nasionál (PN), Kinta (28/05).
Deputadu CNRT, Patrocino, dehan desizaun partidu rua nian hodi sai hosi koligasaun foun, ne’e politikamente maibe juridiku sei venkula hela.
“PD haruka ona karta ida ba Prezidente Partidu CNRT Kay Rala Xanana Gusmão atu retira hosi koligasaun foun, maibé até momentu no minutu ida ne’e seidauk hatene karta formal espalla ona ba Prezidente Partidu CNRT nian. prontu ida ne’e se ita hakarak haree tuir Lei, tuir orientasaun ninian, hau dehan entermus juridiku sei venkula, agora sira sai tanba opsaun postura polítika foun, tanba ohin loron ema hotu-hotu hakarak poder”, argumenta deputadu Patrocino.
Tuir Nia, Partidu PD ho KHUNTO atu retira hosi koligasaun foun ne’e tenke halo konferensia, tanba antes ne’e atu tama koligasaun determina hosi konferensia.
“Koligasaun hahú ho konferensia tuir Lei partidu polítiku, depois atu sai mos tenke halo konferensia ruma”. Nia hakotu. Uar
