UE Apoiu Euro $1Millaun ba TL, Hodi Kombate COVID-19

Naunil Media (Díli), Reprezentaten Uniaun Europeia iha Timor-Leste (EU-TL sigla portugés) Olivier Brouant, Hateten uniauneuropeia apoia osan $1 milaun ba Timor-Leste hodi kombate Covid-19.

“Apoia ida ne’e sei foku atu aumenta kapasidade resposta iha área sira mak afetadu,  liu liu iha kapital Díli ne’ebé rejista kazu barak liu to’o agora, Pesoal saúde no fasilidade sira iha Timor-Leste dada ona to’o ninia limite ho kazu koronavirus aumenta ba dadaun iha nivel nasional, ami responde lalais atu kanaliza apoia urjente nune’e atu garante sistema saúde iha rai laran, no ekipadu  atu enfrenta pandemia Covid-19”,  Hateten Olivier liu husi Komunikadu  imprensa, ne’ebé Naunil Media asesu iha  Sesta, (14/05).

Nia hatutan, hatutan Finansiamentu husi UE sei apoia Organizasaun Mundiál Saúde (OMS) atu responde ba nesesidade sira urjente liu husi intervensaun oin-oin, Ida ne’e inklui aumenta númeru fasilidade ba isolamentu sira ba kazu lijeiru no moderadu sira, fortalese kapasidade ba jestaun husi kuidadu intensivu sira iha hospitál prinsipal sira, hadi’a sistema referénsia no transporte ba pasiente sira, no fó formasaun ba profisional saúde, sei sosa mós sasan vitál hanesan aimoruk, sistema apoiu oxijéniu no ekipamentu protesaun pesoál saúde sira, Hateten nia iha komunikadu ne’e.

Nia haktuir, Rekupera ona husi inundasaun grave sira mak atinje Timor-Leste iha fulan Marsu ikus, nasaun husi sudoeste Aziátiku ida ne’e hetan aumentu drástiku husi kaZu Covid-19 iha nasaun tomak, ne’ebé reporta kazu besik 3,500 iha loron 12 Maiu, kompara ho kasu sira menus 100 entre fulan Abril 2020 no Fevereiru 202.

Tuir agravamentu ba situasaun sira ne’e, governu estende tan estadu emerjénsia to’o loron 1 Juñu hanesan esforsu ida atu kontén númeru ba kasu sira iha rai laran tomak”, Nia hakotu #*Jos