Covid-19 :PR Kansela Atividade Lansamentu Livru ‘Buibere Hamriik Ukun Rasik-An
Naunil Media (DILI),Relasiona ho kazu konfirmadu Covid-19 na’in rua ne’ebé parte saúde detekta iha bairu BTN II aldeia Terra Santa suku Madohi Postu Administartivu Dom-Aleixo munisipiu Dili. Prezidente Repúblika (PR)Fransisco Guterres lú Olo” disidi kansela lansamentu ba livru Buibere Hamri’ik Ukun Rasik a’an .
Kona-ba livru refere antes ne’e disidi sei lansa iha loron internasional feto, ne’ebé sei realize iha Palasiu prezidente Aitarak laran Bairo Pite iha loron, segunda 08/03/2021. Maibe la konsege
‘‘Haree ba kazu foun transmisaun lokál iha Díli, nu’udar dalan prevensaun no kontrolu ba COVID-19 atu la hadaet babeibeik, Prezidénsia Repúblika foti desizaun kansela serimónia lansamentu livru Buibere Hamriik Ukun Rasik An ne’ebé tuir planu, atu hala’o ohin, 8 marsu 2021, tuku 16.00’’ deklara iha komunikadu refere.
Iha komunikadu ne’e haklean liu katak kona-ba data serimónia lansamentu livru Buibere Hamriik Ukun Rasik An sei determina tuir evolusaun moras coronavírus iha rai-laran no medidas implementasaun Estadu Emerjénsia husi Governu.
‘‘Serimónia lansamentu livru Buibere Hamriik Ukun Rasik An marka ba 8 marsu hodi selebra Loron Internasional Feto no mós nu’udar loron ida atu fó-hanoin, rekoñese no valoriza kontribuisaun feto Timor sira-nian ba independénsia nasional Timor-Leste ne’ebé foi sai iha obra koletiva ida ne’e’’
Maski serimónia ba lansamentu livru kansela, prezidenti deklara “selebra nafatin Loron Internasionál Feto, iha ita ida-idak nia fatin, hahú kedas husi ita-nia uma laran, serbisu fatin no iha sosiedade atu hamutuk luta hasoru diskriminasaun oioin hasoru feto, violénsia doméstika no abuzu seksuál ne’ebé hamosu trauma oioin” deklara PR
Perzidenti da republika husu sidadaun hotu-hotu tenke kontribui hodi ita hotu, feto no mane, moris ho laran-hamatek, domin no respeitu no nune’e, ita garante justisa sosiál, pás no estabilidade iha ita-nia Timor-Leste livre no independente”. Katak PR
Kona-ba atu halo lansamentu ba livru refere antes ne’e Prezidente Repúblika Fransisco Guterres Lú olo hato’o apresia ba esforsu koletiva husi Organização Populár da Mulher Timor (OPMT) inklui Comissão de Peskisa e Elaboração da História da Luta da Mulher Timor ba produsaun livru Buibere Hamriik Ukun Rasik An ne’e.
Nune tu’ir Sekretária Jerál OPMT, Lourdes Maria Alves Araújo dehan Iha agostu 2010, OPMT hetan apoiu husi lideransa nasionál hotu-hotu. Ho fundus ba projetu hakerek livru kona-ba partisipasaun feto iha luta libertasaun nasionál. Nune OPMT harii Comissão de Pesquisa e Elaboração História da Luta da Mulher Timor hodi halibur dadus kona-ba feto nia partisipasaun iha luta hasoru okupasaun Indonézia husi fontes feto no mane liu ema na’in-800 husi munisípiu 13 .*jos
