Ema Rihun 9000 iha Díli Simu Ona Vasina AstraZeneca
Naunil Media (Díli), Porta voz Danina Coelho hateten ema rihun 9000 mak simu ona vasina AstraZeneca iha Munisípiu Díli ba faze da ruak nian.
“Husi loron 10 to’o loron 13 Fulan ne’e, ema hamutuk 9.728 iha Díli mak hetan ona vasina, inklui ema idade 60, no moras kroniku no liña frenti sira”, porta voz Danina Coelho liu husi komunikadu imprensa iha salaun Ministeiru Solidariedade Sosiál Inklusaun (MSSI) Caicoli, kinta (14/05).
Nia hatutan, iha semana ne’e vasina hasoru COVID-19 ba área sira iha Munisípiu Díli nian, hanesan Comoro, Vera Cruz, Formosa, Becora Metinaro, Bebonuk, Fatuhada, Madohi, Vila-Verde, Caicoli, Gricenfor, L.Oriental, Becora no Sabuli.
“Situasaun atual COVID-19 iha Dili, obriga Ministeriu de Saude foti desisaun fo prioridade atu protege lalais populasaun iha kapital, nune’e vasina 20mil doses hahu nia implementasun iha de’it Díli”, Tenik nia.
Nia dehan, Timor-Leste simu 20 mil doses vasinas aztrazeneca husi governu Austrália iha loron 5 fulan Maiu tinan 2021. Pau/Rit
