Servisu Saúde no Edukasaun Munisípiu Lautém Verifika Eskola Sira Molok Hahú Aktividade

Fahe Tutan

Naunil Media (Lautém), Diretór Servisu Saúde Munisipal Munisípiu Lautém, Bernardo Amaral Lopes, informa nia iha koordenasaun di’ak ho diresaun edukasaun Munisípiu Lautém nian hodi verifika eskola sira, liu-liu haree maneira prevensaun COVID-19 nian molok hahú aktividade aprendijazen.

“Triazen la’o diak nafatin iha postu lima (Lospalos, Lautém, Iliomar, Tutuala no Luru), pesoal saúde sira husi nasionál nafatin fó treinamentu ba pesoal saúde munisípiu Lautém nian, oinsa halo Dezinfecta ho di’ak. Dadaun ne’e servisu saúde Munisípiu Lautém mos halo kordenasaun di’ak ho diresaun edukasaun munisípiu Lautém ba verifika eskola sira liu-liu rekéjitu sira hosi Ministériu Saúde no Organizasaun Mundiál Saúde atu prevene COVID-19”, Diretór Servisu Saude Munisipal Munisípiu Lautém, Bernardo Amaral Lopes, ba Naunil Media, iha nia Servisu Fatin Hamamoko, Kuarta (24/06).

Diretór Servisu Saúde Munisipal Munisipiu Lautém, Bernardo, hatutan  “Ba Eskola sira ne’ebe mak la tuir kriteria Ministeriu Saúde nian, servisu Saúde Lautém sei alista iha check list mak sei determina, seidauk tuir regras sei sertifika no priense kriteria mak foin bele hahú prosesu aprendijazen”.

Nia informa, servisu saúde Munisipal sei kontinua fó formasaun ba pesoál saúde sira atu identifika eskola iha kada postu administrativu, liu-liu bele priense kriteria Saúde nian. Latu

Leave a Reply

Your email address will not be published.