PPN: Aniceto Husu Povu TL Prevene COVID-19
Naunil Media (Díli), Prezidenti Parlamentu Nasionál (PNN) Aniceto Longuinhos Guterres Lopes, Hateten husu povu Timor-Leste atu halo prevensaun ba moras Covid-19
“Povu doben Timor laran tomak, loke ita nia fuan ba, iha Mundu tomak preokupa satan Estadu Timor-Leste, Pandemia Covid-19 ne’ebé nia impaktu afeta teb-tebes ba saúde públika, sosiál, ekonómia,” Hateten Prezidenti Parlamentu Naionál (PNN) Aniceto Longuinhos GuterresLopes ba jornlista sira iha komunikadu imprensa iha uma fukun parlametu nasionál, sesta (14/05).
Nia hatutan, Timor-Leste agora hasoru dadaun Covid-19 ne’ebé namkari iha munisipiu hot-hotu, liu-liu iha munisipiu Dili, ho numeru sidadaun nebe ne’ebé infetadu aumenta loron ba loron, rezulta iha ema mate dadaun no halo Dili sai epicentrum ba pandemia Covid-19.
Nia haktuir, iha tempu hanesan movimentu iha fatin publiku si rame hela, no ladun halo tuir regras prevensaun no mitigasaun Covid-19 ne’ebé lori risku no kontribui ba hadaet virus ne’e. rai sira, hanesan India, ne’ebé sofre makas moras ne’e tanba, la kumpri regras Covid- 19, la fiar katak moras ne’e iha duni, la halo tuir regras saúde publika nian sira.
“Dezastre natural ne’ebé ita hasoru iha loron 4 fulan Abril tinan liu ba, lori tan tadan boot ida mai ita no halo sidadaun balu la kumpri didi’ak regras prevensaun no mitigasaun Covid-19”, Tenik deputadu Aniceto Longuinhos Guterres Lopes.
Nia dehan, situasaun ida ne’e bele kontribui ba hadaet tan moras ne’ebé ameasa ita hotu nia moris. Nudar reprezentante Povu, ha’u lamenta tebe tebes tratamentu, atitude no lia-fuan violentu ne’ebé sidadaun balu hatudu hasoru pesoal s úde sira, wainhira hala’o sira nia knaar. Pesoal saúde balu mós infetadu tanba hala’o sira nia knaar ne’ebé todan. Ho knaar ne’ebé todan no hasoru violensia oin oin, sira kontinua hala’o sira nia servisu ho responsabilidade, Katak nia.
Parlamentu nasionál rekonese pesoal saúde sira nia korajen, dedikasaun, abdegasaun no empenho profisional. Husu ba governu atu asegura protesaun ba pesoal saúde sira, adopta medidas ne’ebé efikaz kona-ba sensibilizaun públika ba prevene Covid-19. Dehan nia
Ikus liu, nia hotu-hotu simu vasina ba, hodi aumenta imunidade hasoru Covid-19, kuidadu-an no kuidadu ema seluk atu labele infetadu ho moras ida ne’e, ema rihun ba rihun, nasaun barak, foti medidas ne’ebé hanesan hodi salva sidadaun sira no salva nasaun. Dala ida tan salva ita nia vida, salva povu no Nasaun, mai ita hotu-hotu ho entidade hotu-hotu hamutuk hodi ita bele sai husi situasaun ida ne’e, nia hakotu. Ana
