EE Datoluk, Ministru Filomeno Paixão Husu Komunidade Iha Fronteira Kolabora ho Defeza no Seguransa

Fahe Tutan

Naunil Media (Díli), Ministru Defeza (MD), Filomeno Paixão, relasiona ho estensaun estadu emerjénsia ba datoluk nian ne’e, komunidade sira iha fronteira presija kolabora ho servisu seguransa PNTL no F-FDTL nune’e evita sirkulasaun Surtu COVID-19 mai Timor-Leste.

Ministru Filomeno Paixão, ba jornalisa sira hafoin partisipa diskuasun ba estensaun EE iha Parlamentu Nasionál, Kuarta (27/05).

“Agora iha fronteira ne’e tenke iha partisipasaun komunidade sira nian, nunee husu ba Vise Ministru Estatal fó karta  ba suku  sira ne’ebé lokaliza iha fronteira hodi garante seguransa ho ita nia forsa sira.  Ema ne’ebé tama ilegalmente mai ita nia nasaun ne’e preokupasaun ita hotu nian, tamba ema ida  mai mak ho kondisaun diak ita agradese, maibé mai mak ho COVID-19  ne’e preokupasaun ita hotu nian”, hateten Ministru Defeza, Filomeno Paixão.

Ministru Paixão hatutan, iha Estadu Emerjénsia datoluk ne’e’ regulamentu  sei iha mudansa, tuir Primeiru Ministru, Taur Matan Ruak hateten ona sei mamar liu-tan.

“Estensaun Estadu Emerj’ensia ba datoluk ne’e iha regulamentu foun ne’ebé mak sei implementa rigirozamente iha fronteira, fronteira sei taka nafatin atu nune’e ema labele tama sai”. Dehan governante ne’e. Jjf

Leave a Reply

Your email address will not be published.