FEATUREDGeralIkus LiuNews

Joventude Asalaino Iha Estranjeiru Apoia Nesesidade Báziku ba Kbiít Laek

Fahe Tutan

Naunil Media (Lautém), Kinta (28/05) ne’e, joventude hosi Aldeia Asalaino, Suku Fuiluro, Postu Administrativa Lospalos, Munisípiu Lautém mak durante ne’e servisu iha rai-liur, hanesan Irlanda Norte, Inglaterra, Australia no balun iha rai-laran, hala’o asaun solidariedade hodi fó kontribuisaun nesesidade báziku ba família kbiít laek hamutuk uma-kain 127 iha Asalaino.

Nesesidade báziku sira mak hanesan fos, mina bimoli, supermi, masin, sabaun no rinso.

Xefe Joventude Aldeia Asalaino, Masaldo José Faria, hateten benefisiariu sira maioria inan faluk sira mak merese liu, tanba ho situasaun Emstadu Emerjénsia no Surtu COVID-19 limita komunidade sira livredade, liu-liu hala’o vida núdar agrikultór.  

“Aksaun karidade ne’ebe sira halo, tamba relasiona Estadu Emerjénsia ne’ebe la’o ona atu tama fulan tolu. Inan faluk sira moris ho vida agrikultór, sira susar tebes atu asesu ba Merkadu hodi fa’an sira nia produtu lokál, maske asesu ba Merkadu mos tamba ho Surtu COVID-19 ne’e ema la hola sira nia produtu”, Xefe Joventude Aldeia Asalaino, Masaldo José Faria, ba jornalista sira hafoin atribui nesesidade báziku ba kbiít laek sira.

Iha Fatin hanesan, Xefe Aldeia Asalaino, Orasio Xavier, agradese ba timoroan núdar mos Asalaino oan, mak voluntariamente fó ona apoiu ba komunidade Asalaino atu bele aguenta moris durante estadu emerjénsia no Surtu Covid-19.

José António núdar benefisiariu, mos agradese ba apoiu ne’e, tamba bele aguenta ona sira nia moris durante periodu estadu emerjénsia.

“Ami bele aguenta ona moris durante periodu estadu emerjénsia, maske durante ne’e ami sente triste tanba hein subsídiu dollar 100.00 hosi Governu maibe seidauk iha realija”. dehan benefisiariu ne’e. Latu

Leave a Reply

Your email address will not be published. Required fields are marked *