FEATUREDIkus LiuNewsSaude

Komisaun F PN Husu Esplikasaun Servisu Prevensaun MS Nian Ba Corona Virus

Fahe Tutan

Naunil Media (Díli), Kinta (05/03) ne’e, komisaun F Parlamentu Nasionál (PN) ne’ebé trata asuntu  saúde, seguransa sosiál no igualidade jéneru hala’o audensia ho Minisra Saúde Interina, Elia dos Santos Reis Amaral ho Sekretáriu Estadu Protesaun Sivíl, Alexandrino Araújo.

Durante audensia iha uma fukun, deputadu/a sira husu esplikasaun ba ministériu saúde no sekretária estadu protesaun sivíl nia servisu antisipasaun hodi prevene corona virus iha rai laran.

Prezidente Komisaun F, Deputada Maria Bareto, hateten parlamentu nasionál husu esplikasaun ba ministériu relevante sira, tanba asuntu corona virus kontinua sai ema hotu iha mundu nia preokupasaun inklui povu Timor laran tomak.

Deputada Veneranda Lemos iha esperansa ba ministériu saúde sei tau atensaun sériu prevensaun ba corona virus.  

“Iha rai barak oras ne’e buka dalan oinsa halo prevenesaun ba sira nia populasaun. Hau fiar katak ministériu saude ita nian ho nia ekipa ekipa tomak la husik ita nia komunidade atu sofre ba corona virus”, realsa Nia.

Ministra Saúde Interina, Elia Amaral, husu ba povu tomak atu ba konsulta pesoal saúde iha sentru saúde ne’eb’e besik liu, nune’e bele hatene tuir no halo prevensaun.

“Sim, mistériu saude prepara no hadia fatin izolamentu no karantina, ekipa rekursus humanus ba treinamentu ona. Ministeriu saude mos hahu fahe ona fasilisadade saude hodi bele prevene corona virus”, dehan Nia

Corona Virus ona ema kuaze 100 resin no afeita ona ba nasaun kuaze nain 72. Ana

Leave a Reply

Your email address will not be published. Required fields are marked *