Migrasaun Invetiga Ona Ema Na’in 24, Tama Ilegál iha Indonézia

Naunil Media (Díli), Komandante Operasaun Servisu Migrasaun, Inspetur Luis do Carmo, Deklara parte Migrasaun hahú halo tan identifikasaun ba ema na’in 42 ne’ebé tama illegal iha área Indonézia.

“Sira na’in 42 ne’e tama iha klaster ida 113 ne’ebé hetan deportasaun husi Indonézia iha fulan kotuk, maibé momentu ne’e iha ema balu mós hetan pozitivu Covid-19, entaun sira mantein iha ne’eba. Nune’e ohin ita simu telefone husi mediku sira iha Tasi-Tolu tanba antes ne’e ekipa jestaun krize entrega ba pilar tres hodi koloka iha kuarentena Tasi-Tolu ne’ebé ohin ami ba foti sira na’in 42 hodi halo prosesu identifikasaun”, Dehan Luis Carmo ba jornalista sira iha edifisiu Servisu Migrasaun Vila-Verde Dili, (03/09).

Luis Salienta, Hafoin halo investigasaun remata, Diretór Jerál Migrasaun sei fó-sai relatóriu idetifikasaun iha tempu besik.

“Atu halo servisu ne’e lais liu entaun ohin ita fahe ema na’in 21 ita halo identifikasaun iha sede Migrasaun no na’in 21 seluk ita entrega ba SIKN nasionál halo investigasaun. Hafoin sira na’in 21 iha SIKN konklui entaun entrega fali mai ami halo identikasaun no ami mós entrega fali na’in21 ne’e ba SIKN halo investigasaun”, Nia subliña.

Luis afirma, nia parte sei impelementa dekretu governu no lei migrasaun nian ba sidadaun sira hodi selu koimas ida ne’ebé masimu.

“Total deporta husi Indonézia mai ne’e iha ema na’in 703, no balu mak ita halo ona identifikasaun no balu hein sira kompleta kuarentena sei prosesa mós sira. Entaun bazeia ba dekretu governu númeru 19/2021, 28 Jullu artigu 7 alinea 4 no mós lei migrasaun artigu 147 ita aplika multa masimu $250.00 ba sidadaun sira ne’ebé ho intensaun hakat fronteira ho illegál”, Tenik nia.

Luis hatutan, agora daudaun sidadaun sira ne’ebé antes ne’e koloka iha kuarentena Gleno, Maliana, no Baucau, iha tempu badak wainhira sira kompleta ona kuarentena,  parte migrasaun sei halo mos prosesu identifikasaun ba sira. Pau