F-FDTL Selebra Aniversáriu Komponente Apoiu Servisu Ba Dala-XI Ho Kuda Ai-Oan

Fahe Tutan

Naunil Media (Díli), Sesta (06/03) ne’e, FALINTIL Forsa Defeza Timor-Leste (F-FDTL) selebra aniversáriu komponente apoiu servisu ho kuda Ai-Oan iha komponente Metinaro.

Xefe Estadu Maiór F-FDTL, Coronel Calisto Santos ‘Coli-Coliati’  aleinde selebra aniversáriu ba dala sanulu resin ida ezistensia kompomente apoiu servisu nian, kuda ai-oan ne’e sai ezemplu mos ba instituisaun seluk, tantu militar, sivil no ba Timor-oan tomak.

“Ita ema ida tenke kuda ai-oan ida, siginfika ita kontribui ba dezenvolvimentu nasionál iha area arvorizasaun atu hamatak ita nian rai”, realsa eis gerileiru ne’e.  

Selebrasaun aniversáriu ba dala-XI, Xefe Estadu Maiór F-FDTL, Coronel Calisto Santos ‘Coli-Coliati’ deklara problema ne’ebé komponente ne’e infrenta mak ekipamentu, kazerna no kareta.   

“Dala barak komandu sempre hato’o militar iha difikuldade barak, uluk difikuldade iha rekursu umanu, maibe tinan rua nulu ona, ami nia problema la’os rekursu umanu, maibe ami nia problema mak materias, kazerna no kareta. Komandu rasik konsente katak la’os ita nia estadu ho governu mak lakoi kria kondisoen ba tropa ho militar, maibe kestaun ho politika ne’ebé la’o hela iha rai laran”, hateten Nia.  

Tuir Calistru hateten katak relasiona ho kazerna ne’e tinan-tinan ami hato’o liu husi planeamentu annual, hodi hato’o ba Ministériu ne’ebé responsavel ba asuntu forsas armada ninian atu hare, maibe tanba limitasoens  orsamentu ne’ebé aloka  ba forsas armada, ita nia Ministériu da defeza rasik seidauk iha posibilidade atu bele responde nesesidade sira ne’e hotu, maibe ita sempre iha esperansa katak, ita nia ukun na’in  sira ho governu sempre pronto no disponivel atu bele kria kondisoen hotu ba ita nia forsas armada.

Komandante Komponente Apoiu no Servisu F-FDTL, Tanente Coronel Infantaria Armindo dos Santos Nunes, relata difikuldade ne’ebé durante ne’e infrenta mak adimistrativu, transporte, farda tanba kuaze kondisaun la di’ak ona.  

Membru F-FDTL ne’ebé mak aktiva hamutuk 471, feto hamutuk 60. Pau

Leave a Reply

Your email address will not be published.