UE-Australia Sei Apoiu TL Dezenvolve Seitór Agrikultura

Fahe Tutan

Naunil Media (Díli), Ministru Agrikultura no Peskas, Pedro dos Reis, hateten Uniaun Eropeia (UE) ho Governu Australia sei apoiu Ministériu Agrikultura no Peskas (MAP) atu dezenvolve seitór agrikultura iha Timor-Leste (TL).

Ministru Pedro dos Reis, ba jornalista sira hafoin sorumutuk ho embaixadór UE no embaixadór Australia, iha salaun MAP Comoro, Kuarta (21/07).

“Ita hotu-hotu iha responsabilidade, tantu embaxada sira no parseiru  dezenvolvimentu sira sei hamutuk ho Ministériu Agrikultura no Peskas atu dezenvolve   seitór agrikultura iha tinan 2020-2021”, hateten Ministru Agrikultura no Peskas, Pedro dos Reis.   

Iha sorin seluk embaxadór UE iha Timor-Leste, Aderew Jacobs, haktuir primeiru sorumutuk ho Governu Timor-Leste ho parseru desenvolvimentu sira atu  fó  informsaun ba malu kona-ba dezenvolvimentu seitór agrikultura.

“Iha oportunidade ne’e oinsa  atu foti desizaun ne’ebé diak  hodi alkansa  objectivu sira husi ekonómia Verdi. Ho komunidade oinsa bele hetan rendimentu ba  programa sira ne’ebé  implementa  iha  tinan 2021 to’o  2027”, tenik Nia.

Iha fatin hanesan, Embaxadór Australia iha Timor-Leste, Peter Robert, hateten Australia nafatin iha komitmentu ajuda Timor-Leste ba kualker area.

“Ha’u iha komitmentu atu servisu ho parseiru Desenvolvimentu hodi dezenvolve seitór agrikultura”. Dehan Nia. Leo

Leave a Reply

Your email address will not be published.