Deskonfia Membru PNTL Halo Agresaun Fíziku Hasoru Joven Ida iha Atabae

Fahe Tutan

Naunil Media (Díli), Deskomfia Membru Polísia Nasionál Timor-Leste (PNTL) halo agresaun fíziku hasoru sidaun joven ida iha Postu Administrativu Atabae, Munsípiu Bobonaru.

Asaun brutal ne’ebe deskonfia halo husi membru PNTL, akontese iha semana kotuk no dadaun ne’e sai virál ona no hetan PNTL hetan krítika maka’as husi públiku iha MedSos (Media Sosiál).

Kestaun ne’e, Segundu Komandante Jerál PNTL, Komisáriu Mateus Soares, hatete seidauk simu informasaun ruma relasiona ho agresaun fizíku ne’ebé deskonfia komete husi membru PNTL.

“Ami mos seidauk simu informasaun kona-ba membru PNTL ne’ebé mak halo agresaun fíziku iha Atabae, maibé kazu ne’e seidauk iha nasionál. Depois mak ita bele haree prosesu sira ne’e”, Segundu Komandante Jerál PNTL, Komisáriu Mateus Soares, ba jornalista sira iha Semtru Formasaun Akademia PNTL, Kumoro, Kuarta (O8/07).

Tuir Segundu Komandante Jerál PNTL, Komisáriu Mateus Soares, aktu sira ne’e kontra ona regras Polísia nian, tanba ne’e mak sei halo investigasaun.

“Tanba lei desiplinar polísia nian ne’ebé mak hatur ona, ne’ebé se mak kontra regras sira ne’e tenke kumpri”. dehan Segundu Komandante Jerál PNTL, Komisáriu Mateus. Pau

Leave a Reply

Your email address will not be published.