Euclides : Inan-Aman Tenke Kontrola Oan Sira Hakribi Konflitu

Fahe Tutan

Naunil Media (Díli),   Polísia Nasional Timor-Leste (PNTL) apela ba inan no aman tenke kontrola oan sira tanba dala barak labrik menór idade badiu iha estrada ninin hodi provoka problema.

Apelu ne’e hato’o husi Segundu Komandante PNTL Munisípiu Díli, Superintendente Euclides Belo, ba jornalista sira hafoin enkontru ho komandante eskuadra sira, iha Salaun Formasaun PNTL, Díli, Segunda (12/10).

“Ami husu ba Inan-aman tenki kontrola oan sira, hodi kontribui ba estabilidade labele husik oan sira ba badiu deit iha luron sira. Tanba dala barak labarik sira idade sedauk to’o 18 ba leten, foin mak 12 anos, 13 anos sira komesa badiu ona”, dehan Euclides.

Segundu Komandante PNTL ne’e haktuir, lei protesaun ba labarik sira   fó fiar-liu ba inan aman sira hanesan ema primeiru mak kontrola ba oan sira.

Tanba ne’e, nia dehan, hanesan kazu dez orden publika sira ne’ebé baibain akontese tuda malu maiória mesak labarik menór idade.

“Entaun  ohin, ami enkontru ho komandante eskuadra sira ne’ebé mak besik malu para bele fó apoiu hodi halo prevenesaun ba kazu dez orden publika ne’ebé  mak konstrui husi labarik menór idade sira”, tenik nia.

Nia informa, Komandu munisípiu Díli fó ona orentasaun ba komandante eskudra no KPK sira hodi kria konsolida ba autoridade lokal no komunidade hodi kria prevensaun ba labarik menór idade sira. Emj5

Leave a Reply

Your email address will not be published.