Maksakor : Vetranu Nia Oan Hakbesik Sede Konsellu Veteranus Manufahi Aseseu Informasaun UNTL
Naunil Media (Manufahi), Prezidente Konsellu Veteranus (PCV) Munisipiu Manufahi, Tobias Amaral ‘Maksakor’ husu ba veteranu no martir sira nian oan Munisípiu Manufahi atu hakbesik ba sede Konsellu Veteranus hodi asesu informasaun kona-ba Universidade Nasional Timor Lorosa’e (UNTL) simu estudante foun.
Veteranu Maksakor deklara asuntu ne’e relasiona ho despaixu husi Ministeiru Ensinu Superior siensia E Kultura (MESSC-Sigla Português) bazeia ba Diploma Ministerial, Nu.32/2020, 16 Setembru hodi fo oportunidade ba veteran sira nian oan hodi asesu ba iha Universidade Nasional Timor Lorosa’e (UNTL).
Nune’e orientasaun hosi komissaun Homenagem delega ona nia ekipa iha kada munisipiu hodi rezista veteranus nian hirak ne’ebe hakarak kontinua estudu ba iha ensinu superior publiku liu-hosi Rejime espesial.
“Veteranus loke ona oportunidade ba martir nia oan sira ne’ebe mak hakarak ba kontinua iha UNTL, husu ba martir nia oan sira ne’ebe mak hakarak kontinua bele hakbesik aan ba iha edifiu veteranus nian”, informa Tobias, ba jornalista, iha nia knar fatin Postu Antigu Same, Kinta (08/10).
Nia esplika desziaun no regulamentu ne’ebe dadaun atualiza bazeia ba orientasaun hosi komisaun omenagem, tanba ne’e husu ba Veteranus no martir nia oan atu sira kompleta dokumetu mak mensiona iha kuadru avizu.
Iha fatin hanesan reprezentante inan-aman veteranus manufahi, Adelino Caldeira, orgullu tanba programa ne’e di’ak tebes hodi fasilita sira nia oan asese ba eskola Governu nian.
“Kontenti tebes ba oportunidade loke ba martir nia oan sira ne’ebe mak laiha kbiit hodi ba kontinua iha UNTL. Ne’e hanesan hanoin di’ak hodi valoriza foin sa’e sira nia future”. dehan Adelino. Nfm
