Filomeno Paixão Rekuiñese Servisu PSIK Todan
Naunil Media (Díli), Ministru Defeza, Filomeno da Paixão de Jesus, hateten servisu Polísia Sientífiku Investigasaun Kriminal (PSIK) nian servisu todan, tanba sira sempre halo investigasaun ba kazu kriminal sira mak bele ameasa sira nia vida, nune’e Governu tenke kria kondisaun.
“Polísia Sientífiku Investigasaun Kriminal-PSIK servisu todan teb-tebes, sira halo servisu intelejensía mílitar ho servisu intelejensia polisia nian”, Filomeno da Paixão de Jesus, ba jornalista sira hafoin enkontru mensál ho Prezidente Repúblika Francisco Guterres ‘Lú Olo’ iha Palásiu Prezidensiál Nicolau Lobato, Bairo-Pite, Tersa (13/10).
Tuir Governante ne’e, servisu PSIK perigozu tebes, hanesa krimi sira ne’ebe mak Grave tebes sira mak tenke halo identifikasaun, sasan kroat nomos iha aktus balun ne’ebe fó ameasa ha sira nía aan, tanba ne’e parte relevante presiza kria regulamntu ho rigór atu asegura sira nia aan.
“Kuandu iha ona autoriza, sira bele kaer ona armas, maibé iha regras de inpeiñamentu la’os atu tiru arbiru so uja tempu ne’ebé nesesariu”, hatutan membru Governu konstitusionál da-ualu ne’e.
Nia husu husu ba Estadu deside oinsa kria kondisaun ba sira (PSIK) hodi proteje sira nian isin lolon, iha situasaun defisil. Pau/Emj9
