FEATUREDIkus LiuNewsSaude

CIGC-MS Orienta Halo Screening Iha Liquiçá

Fahe Tutan

Naunil Media (Díli), Sentru Integradu Jestaun Krize (CIGC-Sigla Portugs) ho Ministériu Saúde (MS) fó ona orientasaun ba Diretór Saúde Munisípiu Liquiçá atu halo identifikasaun liuhosi Screening (Triagem) ba abitante sira ne’ebé halo konsulta iha fasilidade Saúde iha Munisípiu Liquiça.

Liuhosi Sala Situasaun, Porta voz CIGC, Odete da Silva Viegas, hateten prosesu Screening ne’e halo tanba dau-daun ne’e Liquiça rasik rejista grupu profesora Portugués nain rua mak pozitivu ba Corona Virus (COVID-19) mezmu abitante nain-lima (5) ne’ebé besik ka halo komunikasaun ho profesóra sira mós hetan ona teste rezultadu negativu.

“Ekipa vijilánsia epidemolojia halo nafatin servisu atu hatene ema sira ne’e karik iha kontaktu. Ami fó orientasaun ba Saúde Munisípiu Liquiçá halo Screening mos pasiente hotu-hotu ne’ebé ba konsulta, karik iha moras inus-been, isin manas atu bele foti amostra” informa Odete da Silva Viegas, iha Centro Convenções de Díli (CCD), Kuarta (22/04).

Odete Viegas, esklarese dau-daun ne’e situasaun kontinua la’o normál, tanba ekipa médiku foti ona amostra ba abitante sira ne’ebé besik profesora nain rua ne’e hatudu katak sira negativu.

“Moras seluk mós iha ita nia leet barak, husu nafatin ba povu hakbesik-an ba sentru saúde hodi halo atendimentu ba ita bo’ot sira nia moras. Governu liuhosi Ministériu Saúde no parseiru dezenvolvimentu kuaze 30 liu, kontinua koloka ekipa hodi sosializa nafatin informasaun prevensaun COVID-19 ba komunidade sira iha munisípiu hotu to’o iha área rurál hotu.

Prosesu Screening sei halo mos ba Munisipiu Bobonaro, Covalima inklui Oe- Cusse no munisípiu seluk tan. Ana

Leave a Reply

Your email address will not be published. Required fields are marked *