Teste Konfirmasaun Pasiente COVID-19 Nain 5 Nia Rezultadu Balun Nafatin Pozitivu
Naunil Media (Díli), Porta voz Sentru Integradu Jestaun Krize (CIGC-Sigla Português), Odete Viegas informa pasiente pozitivu ba Covid-19 iha fatin izolamentu Sentru Saúde Vera Cruz hahu loron primeiru to’o loron terseiru, submete ona ba teste laboratóriu, maibe balun nafatin pozitivu no balun negativu ona.
“Sira ida ne’ebe hahu pozitivu iha primeiru dia iha ida, tuir mai na’in rua, tuir mai nain rua tan. Sira dadaun ne’e submete fali ba teste ona iha laboratóriu, i teste ne’e balun hatudu nafatin pozitivu no balun negative ona, no sira ne’ebe negative ona ita nafatin halo teste dala ida tan se negative entaun sira bele mos hasai ona hosi fatin izolamentu ita ba tau fali iha kuarantena” informa porta voz CIGC, Odete Viegas Centro de Convenções de Díli (CCD), Kuarta (22/04).
Nia hatutan, entre sira pozitivu iha izolamentu ne’e inan feton ida ho nia oan, maibe liuhosi teste laboratóriu nasionál, rejultadu inan feton ne’e mantein pozitivu no oan negativu, nune’e ekipa CIGC muda tiha ona nia oan ba Otél Farol hamutuk ho nia tiun.
“Pozitivu sira ne’e iha ida hosi kuarentena Tasi-Tolu mak sinñora ida ho nia oan maibe nia pozitivu, enkuantu nia oan negative. Nia oan, ita muda tiha ona ba Otél Farol hamutuk ho nia tiun ida mak akompañia hela, tamba nia negativu entaun ita labele tau hamutuk ho nia inan. Ita muda tiha ona nia inan mak nafatin iha Vera Cruz hamutuk nain 22 ne’e”, tenia Nia.
Enkuantu profesora nain rua hosi sidadaun estranjeiru (Portugal) pozitivu iha Munisípiu Liquiçá, ekipa epidemiolojia nafatin halo nia servisu hodi atende pasiente ne’e, karik balun iha kontaktu entre pesoal nain rua ne’e hodi bele kontrola.
CIGC mos hato’o ona orientasaun ba sentru saúde munisipiu Liquiçá atu screening ba pasiente hotu-hotu halo konsulta hanesan isin manas, mear no fanin. Tenke anota halo nia istória viajen no kontaktu sira, hodi informa ba ekipa epidemiolojia halo teste ba sira. Uar
