FEATUREDIkus LiuNewsPolitika

KSDS Ho KE Husu PR Lú Olo Estensaun EE Hodi Prevensaun COVID-19

Fahe Tutan

Naunil Media (Díli), Konsellu Estadu (KE) ho Konsellu Superiór Defeza no Seguransa (KSDS) rekomenda  ba Prezidente Repúblika (PR), Francisco Guterres ‘Lú Olo’ atu estede tan estadu emerjénsia (EE) ba prevensaun no kombate surtu mundiál COVID-19.

Reuniaun Konsellu Estadu ho Konsellu Superiór Defeza no Seguraansa ne’e prezide hosi Xefe Estadu Timor-Leste Lú Olo, hodi rona hanoin sira kona-ba proposta governu ba estensaun estadu emerjénsia nian.

Xefe Casa Civíl Prezidente Repúblika, Francisco Maria de Vasconcelos, ba jornalista sira hafoin reuniaun entre Xefe Estadu Timor-Leste núdar Simbolu Unidade Nasaionál, KSDS no KE, mak hala’o iha Palásiu Prezidensiál Nicolau Lobato, Bairro Pité, Kuarta (22/04).                  

“Reuniaun entre konsellu Rua, fó unaminidade no rekomenda ba aman nasaun núdar ema númeru ida iha Timor-Leste Lú Olo, atu haruka karta ba parlamentu Nasionál (PN) halo exstensaun ba estadu emerejénsia tan”, haktuir xefe Casa Sívil Prezidente Repúnlika, Fransisco Maria de Vasconcelos.  

Nia akresenta, objetivu hosi prolonga estadu emerjénsia ne’e ba fulan ida tan, tanba estadu hadomi nia povu atu salva nia povu hosi moras no mate ba COVID-19.

“Governu presiza halo medidas ne’ebé di’ak liu para povu sira bele hatene loloos, estadu emerjénsia kona-ba surtu COVID-19 nian”, afirma Nia.

“Prolonga estadu emerjénsia ne’e sei implementasaun tuir lei anteriór  ne’ebé mak governu dekrerta ona iha lei númeru 3/2002 ne’ebé hetan aprovasaun hosi governu no PR dekreta estadu emerjénsia hahú iha loron 28 fulan Marsu no remata iha 26 fulan Abríl 2020, maibé estadu sei prolonga tan fulan ida relasiona ho covid-19 ne’ebé iha Timor-Leste.

Partisipa iha reuniaun ne’e mak KSDS ho KE no Prezidente Republika Fransico Guterres ‘Lú Olo’, Primeiru Ministru (PM), Taur Matan Ruak, Ministru Defesa no Ministru Interior Interinu (MDI), Filomeno Paixão de Jesus, Xefe Estadu Maiór Jenerál F-FDTL, Maijór Jenerál  Lere  Anan  Timur, Komandante Jerál (PNTL), Komisáriu Faustino da Costa, Ministru Negosius Estranjeirus no Koperasaun (MNEK), Deonísio Soares Babo,  Ministru Justisa (MJ) Manuel Carçeres no Eis Primeiru Ministru (PM) dr. Rui Maria de Araújo, representante membru Parlamentu Nasional (PN), Aderito Hugo, Abel Pires no David Mandati. Nune’e mós representante husi Sosiadade Sivil diretór ezekutivu FONGTIL Daniel dos Santos Carmo.

Enkuantu   Kosellu Estadu (KE) kompostu husi Eis PR José Ramos Horta, Presidente CNJTL  Maria Dadi Magno no Presidente CCI-TL Oscar Lima, Alcino de Araújo Barris no Konselleiru Masimu Partidu KHUNTO, José dos Santos Naimori ‘Buscar’. Dms

Leave a Reply

Your email address will not be published. Required fields are marked *