PTR Deolindo : Adisionál Millaun $6 Liu La Kobre Atividade Tinan 2021
Naunil Media (Dili), Prezidente Tribunal Rekursu (PTR), Deolindo Dos Santos, hateten total orsamentu adaionál husi Governu propoin ba tribunla Rekursu ho montante millaun $6-resin (liu) ne’e la to’o atu kobre ba atividade tribunal sira ne’ebe sei hala’o iha tinan 2021 no sei la halo buat foun ruma.
“Ohin hau ho ekipa tomak husi Tribunal Rekursu mai atu halo aprezentasaun ba orsamentu 2021 nian, Governu distribui pakote orsamentu ba Tribunal sira hotu millaun $6-resin. Orsamentu ne’ebe ami halo aprezentasaun iha Komite Revizaun Orsamentu Polítika total hamutuk $11-resin nune’e para kobre nesesidade Tribunal sira hotu iha orsamentu 2021 nian”, PTR, Deolindo Dos Santos, ba jornalista sira hafoin reuniaun ho KROP ba loron daruak nian iha Salaun Ministériu Finansas Aitarak laran, Tersa (22/09).
Tuir Deolindo, bainhira Governu nafatin mantein ho orsamentu ho valor millaun $6, la halo mudansa no kontinua hala’o nafatin planu 2020 nian.
“Orsamentu ida ne’e ami la halo buat foun, maibe iha ne’e kontinua buat sira ne’ebe prevé antes ona iha 2020, tanba la aprova entaun ami lori fali buat sira ne’e mai para tau fali ba 2021 nian hodi debate no hetan aprovasaun husi parlamentu hodi lao iha tinan oin”. Dehan Nia. Apm
