EdukasaunFEATUREDIkus LiuNews

AUTL : Governu Fahe Estudante Rai Laran no Rai Liur Hanesan Krize 2006

Fahe Tutan

Naunil Media (Díli), Porta voz Aliansa Universitáriu Timor Lorosa’e (AUTL), Moises Soares, konsidera Governu Timor-Leste koko atu hafahe estudante Rai Liur no Rai Laran hanesan krize 2006 entre  funu loromunu no lorosa’e.

“Hau kolia ona iha media social, katak ukun nain sira iha 2006 fahe loromonu no lorosa’e, no sira agora fahe tan estudante rai liur no rai laran, ema sira ne’ebe eskola iha rai liur non bolserus, iha situasaun defisil, ukun nain sira fó de’it previlizu no tratamentu espesial ba estudante non bolseru iha rai liur, maibe estudante ensino superior rai laran, Governu ignora tiha”, Porta vos AUTL, Moises Soares Magno,  ba jornalista Naunil Media, iha Resintu Kampus Sentral UNTL, Tersa (22/09).  

Nia hatutan, prinsípiu AUTL halo demostrasaun atu haree kona-ba hahalok diskriminasaun husi  Governu Timor-Leste.

“Em prisípiu, ita tenke haree kona-ba hahalok diskriminasaun husi ukun nain sira, halo ne’e ita tenke haree husi ita nia sosiadade Timor-Leste . Ita iha klase alta, mediu no baixo, husi kondisaun ka klase sosial iha ne’e mak klase alta ne’ebe ukun nain sira halo halo diskriminasaun ba klase baxo sira”, tenik Nia.

Nia mos Afirma Lei ne’ebe ukun nain sira kria, ida ne’e atu asegura de’it interese balun, tamba hatudu momos iha artigu 42 iha konstituisaun kolia kona-ba liberdade reiniaun no mainifestasaun, se halo manifestasaun mais de 100 metros.

Porta voz reafirma, maske Governu uza poder hodi hanehan sira (AUTL), maibe ssei nafatin firme hodi kontra injustisa ne’ebe Governante sira halo. Ivo

Leave a Reply

Your email address will not be published. Required fields are marked *