Ezoneira Vise-MS Élia, Taur : “Hau Lakon Konfiansa”
Naunil Media (Díli), Primeiru Ministru, Taur Matan Ruak, hateten ezoneira Vise Ministra Saúde, Kuidadu Saúde Primária, Élia António dos Reis Amaral tamba lakon konfiansa.
Xefe governu konstitusionál da-ualu, Matan Ruak ba jornalista sira hafoin enkontru ho ekipa tekniku Jestaun Krize, iha Centro de Convencões de Dili (CCD), Segunda (06/04).
“Hau razaun ida deit mak ne’e, hau lakon konfiansa ho membru governu ne’e, hau mak lakohi ona servisu hamutuk ho nia (Élia),”, hateten eis gerileiru, Taur Matan Ruak.
Hatan kona-ba karik Primeiru Ministru indika ona ema foun atu atu subtitui Élia, Xefe Orgaun Ezekutivu, Taur dehan, seidauk prepara ema seluk atu troka nia (Élia), no dadaun ne’e Vise Ministru Saúde, Bonifacio Maucoli mak kontinua lidera.
“Dadaun ne’e sidauk, Vise Ministru atual mak tau matan, mais ba oin ami bele hare”, tenik PM Taur.
Antes ne’e Primeiru Ministru, Taur Matan Ruak haruka karta pedidu ezoneirasaun Vise Ministra Saúde Élia António dos Reis, ba Prezidenti Republika Francisco Guterres ‘Lú Olo’ iha Sexta loron 03 fulan Abríl tinan 2020, no iha loron ne’ebé hanesan Xefe Estadu Timor-Leste ‘Lú Olo’ hola nia kompetensia hodi dekreta no tama iha vigor. Uar
