FEATUREDIkus LiuNewsSaude

UE Apoiu Ekipamentu Protesaun Pesoál ba MS

Fahe Tutan

Naunil Media (Díli), Segunda (03/08) ne’e, Uniaun Europeia (EU) iha Timor-Leste (TL) entrega ekipamentu protesaun Surtu COVID-19 ba Ministériu Saúde hodi fasilita família no komunidade vulneravel sira iha aréa remota.

Aktividade apoiu ekipamentu ne’e selebra iha Salaun Ministériu Saúde (MS), Palásiu das Sinzas, Kaikoli, no direitamente entrega husi Embaixadór Uniaun Europeia iha Timor-Leste, Andrew Jacobs.  

Ekipamentu kompostu husi sasan hanesan, maskra ho unidade 200.000, dezifektante ba liman 5.000 litrus, 20.000 barras sabaun ba profesionais saúde, família vulneravel no komunidade sira mak afeita COVID-19 husi montante U$200.000.00.    

Embaixador UE iha Timor-Leste  (TL), Andrew Jacobs, hateten ekipamentu sira protesaun individuál nu’udar parte ki’ik oan ida, liu husi Organizasaun Naun Govermental (ONG), relasiona ho Surtu COVID-19 iha Timor-Leste no  partikularmente ba komunidade rurál sira.

Iha fatin hanesan Diretur Nacionál Gabinete Polítika Planeamentu no Kooperasaun Ministériu Saúde, Narcisio Fernandes hateten Ministériu Saúde kontinua kolaborasaun no ho parseiru sira atu responde ba Surtu COVID-19 iha Timor-Leste.

“Minsteriu Saúde nafatin iha komitmentu bo’ot atu fó prioridade intervensaun iha fronteira, liu husi habelar informasaun ba família no komunidade hodi haforsa servisu vijilansia iha fronteira”, Diretur Nacionál Gabinete Polítika Planeamentu no Kooperasaun Ministériu Saúde, Narcisio Fernandes.

Diretora Oxfam, Kahty Richards, apoiu refere nesesáriu Timor-Leste  liu-liu ba ema vulneravel liu, traballadór komunitariu sira no profesionais Saúde ne’ebé iha liña oin ba exposisaun COVID-19, espesialmente iha fronteira.

“Protesaun ne’ebé apropriadu, atividade hirak ne’e implementa husi Care Internasioanál, Oxfam, Plan Internasioanál, Word Vision, Catholic Relief Services (CRS) ne’ebé kolabora ho Ministeiru Saúde  Timor-Leste no parseiru local sira”. Dehan Nia. Dul/ Emj1

Leave a Reply

Your email address will not be published. Required fields are marked *