ONU-UN Women Apoiu 550 Millaun TL, Elimina Violensia Kontra Feto

Naunil Media (Díli), Organizasaun Nasoes Unidas ho UN women  inisiativa  investe  orsamentu hamutuk $550 millaun ba Timor-Leste liu-husi  Plan Internasional Timor-Leste (PITL) atu elimina violensia kontra feto no labarik feto.

Tuir Diretora Interina  Plan Internasional Timor-Leste (PITL)  Fatima Strela Soares hateten, Kolaborasaun entre governo ho parseiru ida ne’e oinsa dezenvolve konesimentu kona-ba aprosimasaun ho komprimisiu atu prevene violensia hasoru feto no labarik feto ho akordu estratejia nasional ida kompreensivu ba mudansa komportamentu ne’ebe servisu hotu ho modelu ekolojiku.

“Objetivu jerál husi projeitu ida ne’e mak atu kontrbui ba dezenvolve estratejia nasional bazeia ba evidensia atu promove normas igualdade jéneru, atitudes no komportamentu, dehan Diretora Interina  Plan Internasional Timor-Leste (PITL)  Fatima Strela Soares ba jornalista sira iha Salaun Hotel Timor, segunda (16/05).

Nia hatutan,  Objetivu espesifiku mak atu dezenvolve timor-leste ida ne’ebe kontextualizadu utiliza produtus inovativus kona-ba abordazen ba prevensaun violensia kontra feto no labarik feto.

Nia dehan, kolaborasaun entre governu no parserius oinsa atinji metas katak feto ho labarik feto bele goja sira nia direitus ba moris livre husi violensia, iha timor-leste ne’ebe inkluzivu no ekitavel jeneru.

Entretantu, Embaixador Uniaun Europeia iha Timor-leste Andrew Jacobs hatete, Uniaun Europeia selebra kontribuisaun plan nian, iha projetu inisiativa spotlight hodi luta ba igualdade jeneru.

Nia hatutan, jornada ida ne’e iha timor-Leste kontinua kontra violensia bazeia ba jeneru, no uniaun Europeia nafatin kompremitidu no involve hodi prioritiza direitu feto nian.

“Violensia nunka sai parte ida husi komportamentu umanu ou kondisionates, ita bele antisipa no prevene violensia, data, konesimentu, Informasaun no evidensia bazeada seluk tan aborda kontribusaun hirak ne’e hodi prevene violensia”.

Ajensia ONU halo sira nia papel hodi lidera inisiativa spotlight EU-ONU ne’ebe implementa husi ajensia ONU ( UN women, UNFPA, UNDP,UNICEF ho ILO) liu-husi kordensaun Koordenador rezidente ne’ebe implementa husi parseiru autores xave husi governu, CSO, NGO no I-NGOs iha Bobonaro, Dili, Ermera, Viqueque no fornese asistensia durante hala’o inisiativa ida ne’e, dehan.

Hanesan parte husi ONU, UN women  timor-leste nia kontribusaun atu komplementa governu no esforsu husi global ba violensia kontra feto no labarik feto, no ONU-UN hamrik firme atu empudera parseriu sira no esforsu hodi suporta hodi elimina violensia kontra feto no labarik feto, hakotu lia. LTS