CNC Asina Akordu ho CPA Dezenvolve Video Chega Populár

Naunil Media (Díli),  Centro Nacionál Chega (CNC) asina akordu hodi servisu hamutuk ho Casa Produsaun Audiovisual (CPA), liga ba dezenvolve Video Kartum Chega Popular.

Tuir Diretór Ezekutivu Centro Nacional Chega (CNC), Hugo Maria Fernandes, hatete, serbisu hamutuk ho CPA nu’udar reprezenta kompañia de jesus, esplika tiha ona katak, iha relatoriu Chega nian ne’e halo rekomendasaun ba iha area Edukasaun nian, no komponente Edukasaun barak loos, maibé iha programa VIII Governu, husu ba CNC atu oinsa mak introdusaun konteudu relatoriu Chega ne’e iha kurikulu de Ensinu.

“Entaun ami halo ida ne’e, husi programa Edukasaun formal ho Ministériu Edukasaun, nune’e mós ami buka Parseira sira ne’ebé mak bele apoiu CNC, liu-liu apoiu Governu nia programa, hodi halo Fasil relatoriu Chega ne’e atu ema bele hatene. Nune’e iha tinan haat nia laran ami halo maneira oi-oin, ho nivel instituisaun oi-oin de’it, no ami hanoin katak, importante mós halo relatoriu ne’e hodi sai Fasil ba alin estudante sira”, nia dehan ba jornalista sira hafoin remata asina akordo servisu hamutuk ho Casa Produsaun Audiovisual (CPA), iha Edifisio Centro Chegal Antigo Komarka Balide, Segunda (16/05).

Nia sublina, entaun husi parte sira halo parseiria ho CPA, ho fiar ida katak, ho produsaun vizual, liu husi audio ho filmajen kartum, ho ida ne’e, bele tulun tebes estudante sira liu-liu sira ne’ebé mak iha eskola Primaria no Segundaria, dalaruma mós Universidade sira hodi hatene loloos saida maka relatoriu Chega nia konteudu.

“Ha’u hanoin CNC hakarak hato’o ami nia haksolok no parabens ba kooperasaun ida ne’e, ne’ebé mak CPA responde ona CNC nia konvite, hodi apoi CNC iha produsaun vidio kartum ba livru relatoriu CNC versaun popular nian. Ida ne’e nu’udar Projeitu ida oinsa mak atu fornese Informasaun ba publiku liu-liu ba ita nia alin sira ne’ebé mak sei iha hela eskola Primaria, Segundaria no mós publiku em jerál, kona-ba konteudu relatoriu Chega nian,” nia dehan.

Nia hatutan, Hanesan ami nia mandatu ida, ne’ebé mak tuir dekretu Lei haraik mai ami katak, oinsa mak nasionaliza, oinsa mak sensibiliza relatoriu Chega ne’e, entaun ita koko maneira oi-oin, liu husi nível intervensaun diferente no maneira mak diferente.

“Ami hanoin katak, importante mós liu husi produsaun iha relatoriu ne’e iha versaun kartum liu-liu ba konsumu estudante sira nian, ne’ebé mak dalaruma relatoriu Chega nian todan liu atu lee, iha versaun ne’ebé mak nakonu iha livru ne’e, entaun versaun popular, ida mak transformasaun husi livru ba fali versaun Vidio atu nune’e, ita nia alin sira no mós publiku em jerál bele intende diak liu tan saida maka konteudu relatoriu Chega nian”, nia relata.

Nia haktuir, Entau ho ida ne’e, husi parte sira hakarak hato’o parabens ba asinatura entendimentu ida ne’e, hein katak, liu husi produsaun ne’e bele habelar liu tan historia Timor nian, no bele aumenta konesimentu husi jerasaun foun sira liu-liu iha eskola Primaria no Segundaria sira.

Entretantu, hanesan Diretór Ezekutivu CPA, Rui Muakandala, haktuir, nota entendimentu ne’e, husi sira atu iha tan fulan rua ou tolu nia laran, atu entrega ona CNC.

“Entaun ami nia serbisu komesa tiha ona, husi hakerek, no livru ne’ebé fornese husi CNC, nune’e mós iha fulan rua ou tolu hanesan ne’e, ami bele termina ona ami nia rezultadu iha CNC,” nia dehan.

Diretór Ezekutivu Centro Nacional Chega (CNC), Hugo Maria Fernandes, esplika relata tan, orsamentu 6 Mill itall, orsamentu ne’e la boot liu dedikasaun ne’ebé mak husi CNC ho CPA halo atu oinsa kria sosiedade ninia solidade, sosiedade ne’ebé mak respetu diretu Umanu.

“Ha’u hanoin kustu ida ne’e, kuandu kompara ho efeitu, saida mak ita espera husi inisiativa ida ne’e, la iha buat ida, ba oin planu depois de produsaun ne’e mai CNC, nune’e mós CNC iha parseiru ho Radio Televizaun Timor Leste, iha kanal ne’ebé mak tau iha ne’eba, nune’e sei transmiti husi RTTL”,  nia hakotu. LTS