Xanana Dezafia Joventude Hakerek Istória Luta Inan, Aman

Fahe Tutan

Naunil Media (Manufahi), Líder Nasionál, Kay Rala Xanana Gusmão husu jovetude Timor oan hotu tenke hakerek istoria kona-ba inan aman sira nian nia luta  hodi sai hanesan bukae ba futuru.

“Joven sira labele uza tempu hodi halimar maibe tenke uza tempu hodi hakerek istória inan, aman sira nian ne’ebe mak oferese sira nian an tomak ba rai ida ne’e, liberta rai ida ne’e husi nakukun ba naroman, tanba ho sira nia luta mak ita goza indenpendensia ida ne’e”, Líder Rejistensia Nasionál, Kay Rala Xanana Gusmão, apela ba joven sira iha nia vizita ba iha aldeia Uru-fu, suku Holarua, postu Same, Segunda (21/09).

Nia enkoraja, joven tenke aproveita tempu ne’e diak, tenke hakbesik án ba inan, aman sira atu husu tuir terus inan, aman sira ba rai ida ne’e to’o ohin loron hodi hetan ukun án.

“Joven sira labele uza tampu hodi kria komflitu ba malu tan de’it kor la hanesan, maibe uza tempu hodi kria amizade ba malu hodi fo hanoin oinsa atu rai ida ne’e ba oin, kria harmonia iha ita nia rai nasaun doben Timor Leste”, tenik líder karismatiku Xanan Gusmão.

Tuir Eis-Prezidente Repúblika no Eis-Primeiru Ministru, Xanan, juventude presija hatene istória hosi Inan, Aman sira nia luta hodi konta tuir istória ba jerasaun tuir mai, nunee labele lakon. Nfm

Leave a Reply

Your email address will not be published.