Filomena: PR Foun Labele Halo Povu Nia Matan Wen Sulin

Naunil Media (Díli), Primeiru Vice Asosiasaun Hak (Hukum, hak Asasi ) Filomena Barros dos Reis hateten Prezidente Repúblika foun mai labele halo tan povu nia matan wen sulin bei beik.

“Prezidente Repúblika atu mai ne’e mós tenke iha koñesimentu klean kona-bá politika interna iha rai laran rasik, atu nune’e desizaun ne’ebé nia halo labele halo kanek povu nia laran no labele halo povu nia mata been sulin ida mak ema hotu nia hakarak”, dehan Filomena Barros dos Reis ba Jornalista sira iha nia knaar fatin Farol, Kinta (13/01/22).

Filomena hatutan, Prezedente Repúblika ida ne’ebé di’ak mak ne’e ha’u lahatene ba nia indepedente ka nia mai husi partidu, maibé prezidente Repúblika ida ne’ebé di’ak mak primeiru nia tenke iha koñesimentu klean kona-bá politika eksterna ho rai sira seluk, atu nune’e bele halo ligasaun no lasu amizade ba oin.

“Prezidente Repúblika funsaun ne’ebé mak ema asumi ba tinan 5, maibé ema ne’ebé atu ba ne’e mak tenke iha koñesimentu no buat hotu ne’ebé nia iha, no nia ba ho indepeden mós tenke ema balun apoiu nia husi kotuk no ida ne’ebé mai husi partidu, tau sira nia atributu partidu ba kotuk tau interese nasionál, no tau interese povu mak iha oin”, Ktak nia.

Nia esplika Prezidente Repúblika mai husi partidu polítiku ka mai husi indepedente, ne’e ema hotu nian no mós hetan apoiu nafatin husi partidu polítiku sira nune’e labele tur mesmesak iha nia fatin.

“Prezidente Repúblika katak ba ema hotu nia atu mai husi partidu polítiku mós nia tenke ba ema hotu, nia mai husi indepeden mós tenke ba ema hotu mas ita haree nia bele indepeden maibé klaru katak tenke iha apoiu nafatin husi partidu sira atu nune’e nia labele tur mesmesak iha nia fatin tanba orsida guvernu no Parlamentu Nasionál partidu ida mak kaer nusa ne’ebé ita hanoin katak nia indepeden mas nia sempre ligasaun di’ak ho partidu polítiku sira,” Tenik nia

Nia haktuir Prezidente mós tenke akomoda hotu-hotu, no bele iha ligasaun sira wainhira nia hakarak atu indepeden tanba nia hakarak ka tuir nia vizaun no nia mós tenke akomoda vizaun hotu-hotu tanba Prezidente Repúblika ne’e primeira pesoa iha rai ida.

Nia dehan, Timor-Leste ne’e iha pilar haat mak hanesan Prezidente Repúblika, Parlamentu Nasionál, Governu, no Tribunal sira sempre iha ligasaun ba malu, maibé nu’udar Prezidente Repúblika ne’e primeira pesoa polítika ne’ebé mak nia mandate, halo ema hakarak mak nia tau ninia interese rasik iha kotuk, tau interese nasionál mak iha oin no interese povu nian mak iha oin, nune’e bele lori povu nia interese ba oin tantu polítika eskterna no interna.

Jornalista *Jos

Editór Lop