KHUNTO Defende Liberdade Imprensa no Espresaun Konsagra Ona iha K-RDTL
Naunil Media (Díli), Bankada Kmanek Haburas Unidade Nasionál Timor Oan (KHUNTO), Deputadu António Verdial, deklara KHUNTO nafatin defende liberdade imprensa no liberdade espresaun mak konsagra ona iha Konstituisaun Repúblika Demokratiku Timor-Leste (K-RDTL) artigu 40 no 41.
“Bankada KHUNTO defende nafatin konstituisaun, tanba konstituisaun mak garante liberdade espresaun ba sidadaun sira, nune’e KHUNTU nafatin defende liberdade espresaun no imprensa atu nakloke ba povu Timor-Leste”, Bankada KHUNTO, Deputadu António Verdial, ba jornalista sira liu husi nia intervensaun polítika, iha Parlamentu Nasionál, Segunda (03/08).
Tuir Reprezentante povu iha Uma Fukun Parlamentu Nasionál, António, ho liberdade espresaun lutadór sira luta to’o Timor-Leste alkansa objetivu ukun rasik-án.
Ikus-liu, Deputadu Antonio, husu ba sidadaun hotu-hotu tenki servisu tuir konstituisaun RDTL iha artigu 41 no artigu 36 kona-ba direitu ba onra no privasidade, fó hanoin ba sidadaun sira no autoriedade sira atu bele halo edukasaun sívika ba povu Timor-Leste. Emj3
