Pe. Miguel Arcanjo : Hanoin Malu La’os Tur Hateke Deit

Fahe Tutan

Naunil Media (Díli),  Diretór Seminário Anupropodetiku, Padre Miguel Arcanjo da Costa, hateten nu’udar humanu kriasaun Maromak nian, wainhira haree nia maluk sira ne’ebe moris susar la’os tur hateke de’it, maibe tenke tulun malu.

“Jesus ohin konvida ita atu hare malu, hanorin ita atu haree ita nia maluk sra ne’e’ebé moris iha susar nia laran, hasoru situasaun ne’ebé defisil, hanesan hamlaha. Presija ita nia tulun, bele iha lia fuan motivasaun, iha sasan bele fó ba malu, iha tempu bele mos hamnasa hasoru malu ho oin midar”, Diretór Seminário Anupropodetiku, Padre Miguel Arcanjo da Costa, haklaken asuntu ne’e liu husi nia homilia, iha Salaun Parokial Bairu-Pité, Domingu (02/08).

Diretór Seminário Anupropodetiku, Padre Miguel Arcanjo da Costa, haklaken liu-tan iha situasaun COVID-19, hare’e ema barak ajuda malu, apiu nessesidade báziku ba komunidade sira, liu-liu kbiitt laek sira, aktu ida refere refleta Nain Jesus ninian hanorin.

“Sira ne’e’ebé simu sasan dehan, atu barak ka uituan la buat ida ami simu ho liman rua, tanba ita bo’ot sira nia laran luak tulun ona ami”, tenik Diretór Seminário Anupropodetiku ne’e.

Diretór Seminário Anupropodetiku, Padre Miguel Arcanjo da Costa, afirma Jesus hanorin mai sarani sira atu ema hotu moris tenki tulun malu no tau matan ba malu wainhra iha situasaun difisil.

“Liturjia ida ohin lori ita ho prinsipiu hirak solidaridade no karidade ba malu atu tulun malu, tulun malu laos katak ita iha buat hotu maibé tulun malu tanba fuan ho laran monu ba malu atu halo di’ak ba malu”, esplika Diretór Seminário Anupropodetiku, Padre Miguel Arcanjo da Costa.

Evanjellu São Mateus (Mat. 14,13-31) haktuir ‘Ami haree fó han ba sira’. Jesus hanorin Nia eskolante sira no ita atu tau matan ba ema kbiit laek sira’. Emj5

Leave a Reply

Your email address will not be published.