FEATUREDIkus LiuNewsPolitika

Demokrasia Hamosu Poder Polítiku Hametin Soberania

Fahe Tutan

Naunil Media (Díli), Liu husi deskursu ba Sesaun datoluk lejislativa hosi kintu (V) lejislatura Parlamentu Nasionál (PN), Presidente Parlamentu Nasionál, Aniceto Longuinhos Guterres Lopes, hateten demokrasia mak konstroi poder polítiku hanesan dalan ida hodi garantia povu  no soberania.  

“Liu husi demokrasia mak ita konstroi poder polítiku no hametin ita nia soberania, liuhusi demokrasia mak ita halo alteransia ba ukun nain sira iha organizasaun poder polítiku iha Timor-Leste”, Presidente Parlamentu Nasional, Aniceto Longuinhos Guterres Lopes  iha plenária Parlamentu Nasionál, Tersa (15/09).  

Nia akresenta, dinámika demokrasia iha Timor-Leste, povu nia vontade polítiku no kualidade komunikasaun entre líder partidu polítiku mak forma konjuntura polítiku iha Parlamentu Nasional no iha Governu.

“Faktu hatudu husi tinan 2007 to’o 2018 la iha eleisaun parlamentar ida ne’ebe rejulta partidu polítiku ida mesak atinje maioria absoluta”, tenik Aniceto.  

Tuir Nia, realidade ida ne’e marka konjuntura polítika únika ida iha parlamentu no iha Governu durante jornada konstrusaun estadu no governasaun iha Timor-Leste iha tinan 2020 nia laran.

“Situasaun hirak ne’e hatudu sosiedade Timor-Leste halo hela no kontesta rasik nia vontade no opsaun polítika, figura eminente no ba jerasaun kontinuador sira kona-ba komunikasaun nu’udar  kontinuidade lideransa Estadu no Governasaun ne’ebe sustentavel iha Timor-Leste”. Dehan Nia. Apm

Leave a Reply

Your email address will not be published. Required fields are marked *