Governu Anunsia Ema Rihun 25.000 Simu Vasina AstraZeneca iha Díli

Naunil Media (Díli), Porta voz komisaun interministerial ba implementasaun vasina AstaZeneca  Danina Coelho,, Hateten ohin sesta 21/05/2021 Governu anunsia ona katak ema rihun 25.000  simu ona sira-nia vasina doze dahuluk iha Kapital Díli durante  iha loron 10 nia laran.

“Maizumenus 25.000 simu ona vasina COVID-19 ba ronde dahuluk iha Díli hahu lansamentu vasina iha Dili loron 10 fulan Maiu, iha media ita konsege vacina ema hamutuk 3000, iha loron balu. Ohin loron, ema hamutuk 53.000 liu simu ona sira-nia vasina doze dahuluk iha Timor-Leste hahu kedas kampaiña vasina iha loron 7 fulan Abril”, dehan Porta Voz Komisaun Interministerial ba Implementasaun Vasina COVID-19, Dra. Danina Coelho ba jornalista sira iha Salaun MSSI Caicoli, sesta (21/05).

 Nia hatutan, hamenus lalais transmisaun komunitaria iha Dili, Governu deside lalais  prograna vasinasaun. Tanba pesoal saude la’os fó de’it vasina iha postu saúde maibé haka’at ba fatin-fatin, inklui ba to’o aldeia sira, iha loron sanulu nia laran, hahu husi 10 maiu, ema liu rihun rua nulu mak simu ona vasina AztraZeneca, primeira doze, iha Dili.

 Nia esplika, Pur sentu ha’at nulu resin ualu (48%) husi sira ne’ebé mak simu ona vasina mai husi grupu prioridade sira, ho moras komorbidade (6.046 ka 24%), ema ho tinan 60 ba leten ho moras komorbidade (1.268 ka 5%), pesoal Liña oin sira (4.555 ka 18%), pesoal saúde (110 ka 1%) no adultu sira tinan 60 mai kraik Ia ho moras komorbidade (13.011 ka 52%) no Iha total, estimadu 19% ema ho idade 18 ba leten iha Dili mak simu ona sira nia doze dahuluk ba vasina Covid-19.

Coelho rekomend,a  pesoal Saúde halo esforsu tomak, ami hare’e katak planu vasinasaun ladun atinje alvu balun, iha primeira faze fo doze dahuluk. Ami enkoraja família sira atu lori lalais maluk ho moras kroniku no otas liu 60 ba vasina hodi sira bele proteje an di’akliu. Karik virus Covid-19 da’et ba sira, sei la moras todan .

Nia hatutan, maioria profesional saúde no liña oin sira simu ona sira-nia vasina doze dahuluk iha faze dahuluk lansamentu iha loron 7 fulan Abril. Ema sira ho moras kronika no tinan 60 ba leten mos sai hanesan grupu prioritariu iha 20% tuir Planu Implementasaun Nasional Vasina COVID-19 (PINVC).

Iha Fatin hanesan Diretora Saúde Munisipiu Díli, Agostinha Segurado, hatutan   kampaña vasinasaun iha semana hirak mai ne’e iha Díli, munisípiu sira afetadu liu ho infesaun Covid-19 iha Timor-Leste, Taxa kazu konfirmadu agora maizumenus 100-resin kada loron iha Díli, liu husi vasinasaun de’it  halo tuir protokolu sira de’it mak bele hapara transmisaun husi COVID-19 iha komunidade sira dehan Diretora Saúde Munisipiu Dili.

 “Hau apela ba ita bo’ot sira atu mai simu vasina lalais wainhira vasina sei iha no mos enkoraja ita bo’ot sira-nia familia idozu sira atu halo hanesan. Hau mos husu ba ita bo’ot sira pratika bebeik fase liman, distansiamentu sosial,uza maskara iha fatin publiku, no evita halibur malu atu hapara transmisaun COVID-19 no proteje ita-nia membru familia idozu sira, sira vulneravel liu ho moras komorbidade no sira ne’ebe seidauk bele simu vasina iha momentu ne’e”, Tenik nia.

Ikus liu, nia dehan governu Timor-Leste lansa ona kampaña vasinasaun Covid-19 iha loron 7 fulan Abril, komesa dahuluk husi vasina 24.000 oferese hsui Fasilidade COVAX to’o tiha ona iha Timor-Leste iha loron 5 fulan Abril 2021. Governu Austrália mós oferese vasina doze 20.000 iha loron 7 fulan Maiu, no komesa seluk husi vasina doze 20.000 iha loron 19 fulan Maiu. Vasina doze adisional sira sei to’o iha Timor-Leste iha fulan oin. Ohin loron Timor-Leste rejista ona kazu Covid-19 konfirmadu hamutuk nain 5,121 no mate ona hamutuk nain 11. Munisipiu Díli mak rejista númeru kazu covid-19 aas liu. Ipe