EdukasaunFEATUREDIkus LiuNews

MEJD Seidauk Anunsia Loron Reativa Aktividade Eskola

Fahe Tutan

Naunil Media (Díli), Ministériu Edukasaun Joventude no Desportu (MEJD) Seidauk anunsia ba públiku kona-ba loron hahu prosesu aprendijazen iha eskola sira iha teritóriu laran, tanba sei hein padraun implementasaun prevensaun COVID-19 hosi Ministériu Saúde no Sentru Integradu Jestaun Krize (CIGC-Sigla Português).

“MEJD sei hato’o loron hahu prosesu aprendizajen bainhira  Ministériu Saúde aprova ona padraun  implementasaun prevensaun  Covid-19 iha eskola sira. MEJD husu ba Diretór,  Kordenadór, Edukativu sira hotu atu hahu halo limpeza iha ida-idak nia eskola, hanesan limpeza iha sala de aula no resintu eskolar sira hotu”, Ministra  Edukasaun Joventude no Desportu Sesante, Dulce de Jesus Soares, liuhosi komunikadu imprensa iha MEJD, Domingo (31/05).

MEJD Sesante, Dulce de Jesus Soares, husu ba estudante sira mantein regras jerais hosi Ministériu Saúde (MS), hanesan maskra, distansiamentu sosiál no pratika hijiene pesoál atu prevene hadaet COVID-19.

“Eskola sira tenke prepara fasilidade fase liman, uza maskra ba estudante sira hotu,  molok  tama sala de aula. Husu ba eskola sira bele jere osan konsensoens atu prepara fasilidade hijiene basiku iha eskola sira”, tenik Dulce de Jesus Soares.

Dulce de Jesus Soares, informa Ministériu Edukasaun Joventude no Desportu liuhosi INFORDEPE sei fó formasaun konaba maneira prevensaun COVID-19 ba professor sira iha teritóriu laran.

“MEJD luihosi INFORDEPE hamutuk ho Ministériu Saúde sei providensia formasaun obrigatoriu ba professór no direjente eskola sira kona-ba Covid-19, no formasaun ne’e sei disponivel iha online, prezensial formasaun ne’e sei hahu hosi loron 01 to’o 15 fulan Junñu tinan ne’e”. dehan Dulce de Jesus Soares. Jjf

Leave a Reply

Your email address will not be published. Required fields are marked *