Sara Lobo Brites : “Hau Kompri Orientasaun Partidu CNRT”
Naunil Media (Díli), Atuál Vise-Ministra Finansas, Sara Lobo Brites, hateten sei kumpri de’it orientasaun tomak hosi partidu Kongresu Nasionál Rekonstrusaun Timorense (CNRT-Sigla Português) nian hodi serví nasaun Timor-Leste durantte periódu estadu emerjénsia no kombate surtu corona virus (COVID-19).
Vise-Ministra Finansa no Ministra Finansas Interina, Sara Lobo Brites, ba jornalista iha Palásiu Governu, Segunda (06/04).
“Ha’u nafatin kompri orientasaun hosi Partidu CNRT nian tanba indika ha’u asumi kargu Ministra no klarifika katak prezensa iha enkontru iha Domingo (05/04) iha rezidénsia prezidente (CNRT), Kay Rara Xanana Gusmão iha Lisidere ne’e, núdar Ministra ne’ebé indijitadu hosi CNRT atu simu orientasaun husi superiór sira. Enkontru ne’e atu simu orientasaun hodi reforsa liutan servisu iha governu, hodi luta kontra COVID-19 ne’e”, klarifika Vese-Ministra Finansas Sara.
Enkuantu reuniaun ho Primeiru Ministru Taur Matan ruak iha Segunda (06/04) ne’e, Sara Lobo esplika, hanesan enkontru regular no laiha relasaun ho enkontru ho reuniaun ho prezidente partidu CNRT, Xanana iha nia rezidensia iha Domingo (05/04).
“Hau mai enkontru ho primeiro-ministro ne’e hanesan enkontru regular ne’ebe. Mak kada semana, Ha’u sempre mai. Ami nia knaar atu mai servisu. Liu-liu iha situasaun ida agora ameasa ba saúde públika. Atu dehan mos katak, Hau la Lori rezignasaun mai edit. Maibé Hau mai atu simu orientasaun atu bele atende ba ita nia nesesidad.”
Nia dehan, enkontru ho líder partidu CNRT nian, sei la fó impaktu ba nia núdar membru governu konstitusionál da-ualu, tanba sei kontimua hala’o núdar ministra. Ana
