Xanana Konvoka Reuniaun Emerjénsia Ho Kuadru AMP
Naunil Media (Díli), Domingo (05/04) ne’e, Prezidente Koligasaun Aliansa Maioria Parlamentál (AMP) Foun atual Prezidente Partidu Congresso Nacionál Reconstrução de Timor-Leste (CNRT), Kay Rala Xanana Gusmão, konvoka reuniaun emerjénsia ho kuadru AMP, iha nia rezidénsia.
Tuir observasaun Jornalista Naunil Media iha terenu, enkontru ne’e prezensa hosi Prezidente Partidu CNRT, Kay Rala Xanana Gusmão, Ministra Finansas (MF) interina, Sara Lobo Brites, Ministru Defeza Seguransa no Interior Interinu (MDSII) Filomeno Paixao de Jesus, Vise-Ministra Saúde (MS) Élia dos Reis, Ministru Transporte Telekomunikasi (MTT) José Agostinho da Silva, Ministra Solidariedade Sosiál no Inkluzaun (MSSI) Armada Berta, Ministru Negosiu Estrangeiru no Koperasaun (MNEK) Deonísio Soares Babo, Prezidente Parlamentu Nasionál (PPN) Arão Noe de Jesus Amaral, Sekretáriu Jeral Partidu PD António da Conseição ‘Kalohan’, Sekretáriu Jerál Partidu UDT Fransisco David Ximenes, Deputada partidu FM Isabel Maria Ximenes, Prezidente partidu PUDD António de Sa Benevides, Deputada CNRT Fernanda Lay, Carmelita Moniz no Duarte Nunes.
Enkontru ne’e kuaze oras oras neen, hahu maizoumenus tuku 15:40 no remata iha tuku 21:00 otl. Hafoin enkontru ne’e, jornalista sira tenta halo konfirmasaun ba partisipante sira, maibe lakohi fó komentariu kona-baobjetivu enkontru nee. Uar
