Tauk COVID-19, Portuguesa 211 Iha TL Fila Ba Portugal
Naunil Media (Díli), Sábadu (04/04) ne’e Sidadaun Portuguesa nain 211 deside fila ba sira nian rai Portugal tanba tauk corona virus (Covid-19) ne’ebé tama iha Timor-Leste (TL).
Aviaun komersiál Euro Atlantic ho marka boein 767-300ER to’o iha Timor-Leste, aiha Aeroportu Internasionál Nicolau Lobato, Comoro mais ou menus tuku 07 dader hodi tula fila sidadaun Portuguesa, tanba kauza ho pandemia COVID-19.
Prezidente Konsellu Administrasaun Autoridade Navegasaun Aerea (ANATL-EP-Sigla Português), Romualdo da Silva, hateten aviaun EuroAtlantic mai tula portugues sira kompostu hosi professór no diplomata sira no seluk tan ne’ebé hela Timor-Leste hodi lori fila ba Portugal.
“Totál pasajeiru ne’ebe maka ohin, tula hosi aviaun Euro Atlantic ne’e hamutuk ema nain 211 kompostu hosi ema boot 198, labarik ki’ik oan sira hamutuk 12 no inklui bebe nain ida. Hosi pasajeiru nain 211 nian hamutuk kuaze tonelada haat no total pasajeiru sira nia sasan hamutuk 19.458”, Prezidente ANATL Romualdo ba jornalista sira iha Aeroportu Nicolau Lobato.
Nia relata, aviaun Euro Atelantic ne’e naruk metru 1850, maske pista aeroportu ki’ik maibé aviaun ne’e tun ho di’ak no la iha problema, enkuantu aviaun ne’e rasik mai ho kondisaun mamuk (latula pasajeiru ruma).
“Hau kordena ho parte torre aviaun nain no husu ba sira parte servisu torre nian, informa mai hau buat hotu la’o ho di’ak no aviaun tun ho di’ak no laiha problema ida. aviaun EuroAtlantic nia rute sai hosi Díli iha tuku 8:30 sei liu hosi Tailandia hafoin liu ba Lisboa Portugal”. Dehan Nia. Ana
