FEATUREDIkus LiuNewsSeguransa

Eis Komandante Munisípiu Dili Entrega Kna’ar ba Komandante Foun

Fahe Tutan

Naunil Media (Díli), Kinta (02/07) ne’e, Eis Komandante Polísia Nasionál Timor-Leste (PNTL) Munisípiu Díli, Superintendente Xefe Armando Monteiro entrega kna’ar ba komandante foun Superintendente Xefe Henrique da Costa hodi hala’o servisu núdar komandante Munisípiu Díli nian.

Hafoin seremonia entrega kna’ar, Superintendente Xefe Armando Monteiro, hateten rotasaun servisu ne’e normalmente akontese ba se deit, nune’e nia pronto hala’o kna’ar iha ne’ebe de’it no iha situasaun saida deit.  

“Iha tempu tuir mai bele akontese mos ba sarjentus no ajentes sira, rotasaun no mudansa ne’e depende ba ejijensia ita nia komunidade sira ba instituisaun PNTL nian hodi atinji objetivu ne’ebé delega mai ita nia instituisaun”, tenik Superintendente Xefe Armando Monteiro.

Superintendente Xefe Armando Monteiro, husu ba komandante foun atu bele servisu ho responsabilidade, nune’e bele lori instituisaun PNTL ba oin.

“Ita hotu hatene sidade Díli hanesan sentru ba nasaun, tanba ne’e ita tenki iha situasaun ne’ebé mak diak ba komunidade sira atu nune’e sira bele moris hakmatek”. Dehan Superintendente Xefe Armando Monteiro. Flo

Leave a Reply

Your email address will not be published. Required fields are marked *