MS Odete : Maioria Empreza Laiha Dokumentu Legál
Naunil Media (Díli), Ministra da Saúde (MS), Odete Maria Freitas Belo, informa kona-ba pagamentu ba empreza (Hotel) sira tarde tanba maioria barak mak la iha domkentu legál.
MS, Odete Maria Freitas Belo, koalia asuntu ne’e hodi hatan ba emprezáriu sira Timor oan lima nulu resin rua (52) foin lalais, ne’ebe deklara ‘sei halo demostrasaun hasoru MS, tanba durante fulan rua ona la halo pagamentu ba sira nia empreza’.
“Kona-ba Hotel hirak ne’e iha tempu ne’eba taka hotu no la funsiona, Ministra Saúde rasik mak ba loke, hotel hirak ne’e dokumentu sira la preparadu, balun lisensa la iha no kontratu mos la iha, tanba ne’e pagamentu atraza”, MS Odete Maria Freitas Belo, ba jornalista sira hafoin sorumutuk ho Prezidente Repúblika (PR), Francisco Guterres ‘Lú Olo’ iha Palásiu Prezidensia Nicolau Lobato, Bairu-Pité, Kinta (02/07).
Membru Governu konstitusionál da-ualu, Odete Maria Freitas Belo, informa pagamentu ba emprezariu sira sei selu, maibé tenke kompleta dokumentu.
“Ha’u hanoinn, Ami tenke prepara dokumentus nune’e bele halo pagamentu ba Hotél, hanesa hahan siguransa ne’ebé ita aloka 2 milloens dolar”, tenik MS, Odete Maria Freitas Belo.
Kona-ba Hotel hirak ne’e Governu liu husi Minstériu Saúde, iha fulan rua liu-ba halo kontratu hodi halo kuarentena ba sidadaun sira mak mai hosi rai-liur relasiona ho Surtu COVID-19. Dms
