F-FDTL Koloka Ona Pelotaun Tolu Reforsa Seguransa Iha Liña Fronteira

Fahe Tutan

Naunil Media (Díli), Xefe Estadu Maiór Jenerál FALINTIL Forsa Defeza Timor-Leste (F-FDTL), Maijór Jenerál Lere Anan Timur, hateten komandu F-FDTL koloka ona pelotaun tolu (3) iha liña fronteira hodi reforsa servisu seguransa no defeza.

Xefe Estadu Maiór Jenerál F-FDTL, Maijór Jenerál Lere Anan Timur, ba jornalista sira hafoin sorumutuk seminal ho Prezidente Repúblika (PR), Francisco Guterres ‘Lú Olo’, iha Palasiu Prezidensiál Bairru Pité, Kuarta (11/03).

“Hau mai informa mos ba Xefe Estadu Timor-Leste Lú Olo, Forsa Defeza Timor-Leste reforsa tan ona liña fronteira sira, no agora ami tau pelotaun ida iha Tilomar-Covalima, pelataun ida iha Tunubibi-Maliana no ida iha tan Manduki-Atabae, tenke koloka menbru sira iha fatin-fatin hodi bele haree situasaun ho krimi  organizadu”, hateten Xefe Estadu Maiór Jenerál F-FDTL, Maijór Jenerál Lere Anan Timur.

Eis gerileiru komandante rejiaun um ponta leste, Lere Anan Timur, hatutan dadaun ne’e membru F-FDTL iha ona terrenu maibe sei infrenta defikuldade mak meiu atuiu servisu, liliu transporte ba patrullamentu.

“Tenke prevene krime organizadu, tanba Timor nu’udar nasaun ne’ebé foin ukun-aan, Timor ida ne’ebe mak laiha meiu atu resolve. Entaun ema bele aproveita, e hau bele dehan katak, forsa sira iha ona terrenu maibe ninia efetivu mak ita lahatene”, afirma veteranu ne’ebé iha kompleta 24 ano, Lere Anan Timur.

Ema númeru um iha instituisaun F-FDTL, Lere informa, koloka membru tuir posibilidade ne’ebé iha, tanba foin lalais atu halo rekrutamentu ba membru foun maibe tenke adia ba tinan oin tanba ho situasaun polítika rai laran.

“Ita nian forsa sira iha Hera, Atauro, Oe-Cusse, Quartel, Seguransa ba Prezidente Repúblika. Sira ne’e hotu ita fahe kuaze 2000, ne’e la to’o. Enkuantu dadaun ne’e membru husi unidade Polísia Militar ne’ebé destakadu iha postu seguransa hanesan, Tunubibi, Tilomar no manduki kuaze 100”. Dehan Nia. Pau

Leave a Reply

Your email address will not be published.