Prezidente CI, Virgílio : “Sai Jornalista Tenke Fiar-án Hodi Informa Lia Loós”

Fahe Tutan

Naunil Medai (Díli), Prezidente Konsellu Imprensa (CI-Sigla Português) Timor-Leste (TL), Virgílio da Silva Guterres, hateten sai hanesan ema jornalista tenke fiar-án hodi informa lia loós ba sosiedade.

Prezidente CI, Virgílio da Silva Guterres, ba jornalista sira hafoin partisipa Programa Editorial Club mak organiza hosi Asosiasaun Jornalista Timor Lorosa’e (AJTL), iha edifisiu CI Kintal Bo’ot, Kinta (14/05).

“Atu  sai  profisionál jornalista ida, tenke fiar-án no hatene hadomi profisaun, fiar-án tenke  iha kuiñesimentu no labele tauk. Tenke liberta-án hosi tauk, ukun ita nia-án rasik mak foin ita bele ukun ema seluk no prezensa independente ba ema seluk”, Dezafia Prezidente CI, Virgilio.

Virgílio hateten, Konsellu Imprensa sempre apoia programa asosiasaun hanesan  AJTL no TLPU hodi hametin jornalista ida-idak nia kapasidade ne’ebé mak hatur ona iha lei orgánika CI nian, jornalista ida iha kapasidade tolu, ida kapasidade tekniku, kapasidade profesionál, kapasidade intelektuál.

Programa Editor Club ba daruak  hetan partisipasaun hosi jornalista editor sira, mai hosi media elektróniku, imprime no online.

Programa Editor Club ne’e realiza hosi AJTL   ba ruak ne’e  ho tema ‘Hametin Sala Redasaun Ida Ne’ebé Livre no Independente Hosi Unterferensia Polítika no Ekonomia’, programa ne’e hetan apoiu hosi United Nations Development Program (UNDP) no Governu Korea liuhosi ajensia Koica. Lop

Leave a Reply

Your email address will not be published.