Assanami : Difirensias Líder Sira iha PD La’os Atu Fahe Malu
Naunil Media (Bobonaro), Prezidente Partidu Demokratiku-PD, Mariano Assanami Sabino, hateten PD mai kedan ho diferensia oioin, ne’e la signifika líder sira iha PD atu fahe malu, maibe diferensia nu’udar valór demokrátiku mak fanun fundadór, militante sira atu hakat, firme no forte liu-tan iha futuru.
“Dala ruma ema hanoin, katak Partidu Demokratiku fahe malu ona, maibe partidu ne’e Demokratiku mai kedan ho difirensia oioin, mais hafanun fundadór no militante sira kaer metin nafatin nia prinsípiu hakat nafatin”, Prezidente Partidu Demokratiku-PD atual deputadu kintu lejislativa, Mariano Assanami Sabino, ba jornalista sira durante retiru iha Salaun Kâmara Tuan, Dioseze Bobonaro, Sábadu (19/09).
Líder Jerasaun kontinuadór, Assanami, esplika retiru daruk ezistensia PD ba tinan-19 atu haree valor no hahalok sira, hodi reforsa di’ak liu-tan iha future.
“Agradese Bobonaru hanesan uma nain ba organiza programa reflesaun. Refleksaun atu haree fali ninia valores existensia no haree fali ninia hahalok para depois reforsa malu fali ba oin” tenik Assanami.
Nia reafirma, refleksaun haforsa liu-tan PD la’o ba oin ho unidu maske iha difirensia ideia.
Partidu Demokratiku-PD harii iha loron 10 fulan Junñu tinan 2001 no nia prezidente dahuluk mak saudozu Fernando Lasama (fundadór). Leo
