Bispu Dioseze Maliana, Dom Norberto : PD Mak Esperansa ba Jerasaun Foun TL

Fahe Tutan

Naunil Media (Díli), Bispu Dioseze Maliana, Dom Norberto do Amaral, hateten Partidu Demokrátiku-PD mak esperansa ba jerasaun foun Nasaun Timor-Leste, tanba ne’e  líder sira iha PD presija jere didi’ak.

“Partidu Demokrátiku nu’dar partidu jerasaun foun nian, kontinua jere didi’ak  prinsípiu Partidu Demokrátiku, katak Timor-Leste ba ema hotu tanba jerasaun foun  mak ba esperansa nasaun nian”, Bispu Dioseze Maliana, Dom Norberto do Amaral, ba jornalista hafoin partisipa programa retiru PD iha Salaun Kâmara Tuan, Dioseze Bobonaro, Sábadu (19/09).      

Dom Norberto husu ba líder sira Partidu Demokrátiku atu buka tuir problema sira iha partidu laran, hadi’ak malu, hasee aan husi ingnoransia ba malu, buka nia problema hodi hadi’ak, nune’e bele dezemvolve Partidu Demorátiku ba futuru Timor-nian hamutuk ho foinsa’e sira.

“Lidera husi Presidente Assanami no Sekretáriu  Jerál Kalohan mesak joven de’it, fiar katak esperansa  Timor-Leste nian iha PD nia liman, tanba  ita koalia beibeik juventude esperansa ba nasaun”, tenik Bispu Dioseze Maliana, Dom Norberto do Amaral.

PD kompleta ona tinan-19 nia ezistensia, Tuir Bibi atan ne’e, signifika PD tama ona ba idade joven  presiza dezemvolve di’ak liu-tan ba futuru.

Partidu  Demokrátiku (PD) harii iha loron 10  fulan  Juñu tinan 2001, hosi eiz Rezistesia Estudantil Timor-Leste (RENITIL), Saudozu Fernando Araújo ‘Lasama’ ho sira seluk tan. Leo

Leave a Reply

Your email address will not be published.