Ohin ESEG 4 De Setembro Hahu Hikas Prosesu Aprendijazen

Fahe Tutan

Naunil Media (Díli), Diretór Eskola Sekundária Gerál (ESEG) 4 de Setembro, Sergio dos Santos da Cruz, hateten hafoin akontese udan bo’ot iha Sesta (13/03) ne’e hodi hamosu inundasaun afeita mos prosesu aprendijazen paradu tiha loron tolu hosi (16 -18/03) maibe iha Kinta (19/03) eskola bele hahu hikas prosesu aprendijazen tanba hamoos hotu ona tahu sira iha ruangan (sala) laran.   

“Hosi Segunda to’o kuarta feira, estudante sira sei la hala’o aprendijazen, ida ne’e oportunidade diak oinsa resolve problema tahu ne’ebe nakonu sala laran. Sala neen (6) mak bee no tahu nalihun kuase naruk metro 1, iha momentu ne’e eskola foti inisiativa resolve liu hosi dalan fó insentiva ba komunidade ne’ebé hela besik ekola hodi hamoos kedas foer sira ne’e”, hateten Diretór ESEG 4 de Setembro, Sergio dos Santos da Cruz ba Naunil Media iha nia kna’ar fatin.

Diretór eskola ne’e hatutan, ho problema inundasaun ne’e, sira nian eskola ne’ebé nia lidera ne’e mos afeitadu, nune’e nia mobiliza kedas estudante, professor sira inklui komunidade balu hamoos kedas tahu no bee ne’ebe nalihun iha sala laran, tanba prosesu aprendijazen tenke la’o.   

“Estudante sira, Professor/a no komunidade sira raut tahu ne’ebé nalihun iha sala laran no fase kampu ne’ebé nakonu ho tahu ten, durante loron rua hodi rezolve problema atu nune’e estudante sira bele hala’o aprendiajen hanesan bai-bain. Problema sira hanesan ne’e ita labele hein malu, kuandu ita hein malu ne’e mak sei han tempu naruk liu” esplika professor ne’e.

Eskola sekundária jerál 4 de Setembru Balide nia estudante hamutuk nain 3.100. Fet

Leave a Reply

Your email address will not be published.