Lata’uk Lakon Kadeira, UDT Konsidera EA Sei Sai Projetu Ba Partidu Bo’ot Sira

Naunil Media (Díli), Sekretáriu Jerál Partido União Democrata Timorense (UDT) Francisco David Carlos ‘Abono’, hateten UDT hanesan partidu ki’ik ohin hetan kadeira no aban lahetan kadeira mos di’ak hela, maibe eleisaun antisipada (EA) labele sai projetu ba partidu bo’ot sira.

Sekretáriu Jerál Partido União Democrata Timorense (UDT), Francisco David Carlos ‘Abono’, ba jornalista sira hafóin limpeza loron daruak iha eskola Filial Nú Laran, Bairos dos Grilhos, Kuarta (18/03).

“Ha’u hakarak husu ba nai ulun ukun na’in no maun bo’ot sira ne’e, eleisaun antisipada kona-ba saida ni’an ?, Halo gastus de’it orsamentu estadu nian, ou sira hakarak transfórma eleisaun antesipada ne’e hanesan projetu ba eleisaun antisipada ne’e benefisiu ba partidu boboot sira, maibe ami partidu ki’ik la tauk eleisaun antisipada no la hakfódak, maibe sira boboot ne’e nia partidu ida hetan konfiansa husi povu, depozita ba sira hakarak ukun ho didi’ak ba povu fó benefisiu ba povu moris di’ak ba futuru. Se karik eleisaun antisipada mosu nafatin sira rasik mak oho povu”,

Deputadu lejislatuta dalimak ne’e dehan, lolos Prezidenti Repúblika Francisco Guterres ‘Lú olo’ fó sai ona desizaun maibe to’o ohin loron seidauk iha sinais ruma kona-ba atu hahoris governu dasia.

“Tuir lolos prezidente tenke fó ona, maibe to’o agora prezidenti seidauk iha sinais ruma kona ba atu hahoris nonu governu, ne’e hau la hatene nai ulun sira ne’e hakarak los ne’e saida ? ne’e mak hau kestiona se situasaun ne’e kontinua to’o fulan Setembru, ne’e povu bele identifika ona katak, semak saiautor ba impase polítikase mak prejudika povu nia moris perante situasaun tinan rua ona”. Deha nia. Uar