MEJD Adi’a Ezame Segundu Periodu, Tempu Preparasaun ba Estudante Sufisiente

Naunil Media (Díli), Diretór Eskola Sekundária Jerál (ESJ) 5 de Maio, Mauel Verdial, informa Ministériu Edukasaun Juventude no Desportu (MEJD) adi’a orariu ezame segundu periodu ba 7 Setembru, ne’e fó tan tempu sufisiente ba estudante sira atu halo preparasaun (estuda).

“Ezame segundu periodu  ita muda 7 Setembru, estudante sira no professor sira atu bele introdos fali material sira  ne’ebé durante la hala’o”, Diretór ESJ 5 de Maiu, Mauel Verdial, ba Naunil Media iha kna’ar fatin Bekora, foin lalais.

Tuir Nia MEJD muda orariu ezame segundu periodu ba Setembru ne’e sufsiente ona ba estudante sira prepara  material.

“Material ba klase 1 antes  mosu COVID-19 materia la’o  normal, materia ba klase 2 kuaze kompletu no  materia ba klase 3 ne’e foin atinji pursentu 20 (%)  tanba inpaktu husi COVID-19”, dehan Nia.  

Iha fatin la hanesan, Diretór Eskola Sekundária Jeral 12 de Novembro Becora, Aniceto  Pedro da  Costa, informa sira hahu ona preparasaun ba ezame segundu periodu.

“Ami la’o tuir kalendáriu husi Ministériu Edukasaun Joventude no Desportu (MEJD)  mak deside lolos muda fila-fali ba 7 Setembru. Ami forma komisaun organizadora ne’e halo preparasaun ba ezame segundu periodu nian”, Diretór Eskola Segundara Jerál 12 de Novembro Becora, Aniceto  Pedro da  Costa, ba Naunil Media, iha nia kna’ar fatin foin lalais. Fet