Jeneiru 2021 EDTL Tranforma ba Epreza Públika

Fahe Tutan

Naunil Media (Díli), Ministru Obras Públikas (MOP), Salvador Soeares dos Reis Pires, hateten tama ba fulan Janeiru tinan 2021 Eletrisidade Timor-Leste (EDTL) sei transforma ba empreza públika.

“Ha’u nia despaixu istaladora púbilka ona iha Jornal da Reúpblika, hein de’it sira halo sira nia atividade, prepara eletrisidade Timor-Leste tama ofisiaente ba kompañia iha periodu 1 fulan Janeiru tinan 2021”, Ministru Salvador Soeares dos Reis Pires, ba jornalista sira hafoin reuniaun Konsellu Ministrus iha Palásiu Governu, Kuarta (26/08).

Salvadór esplika, servisu preparativus importante hanesan estabelese estrurura ba kompañia ne’e rasik tuir dekretu lei ne’ebé ih, no prosesu rekrutamentu transferensia funsionariu públiku sira ba EDTL, karik balu hakarak hetan fatin funsionariu públiku tuir estatutu funsaun públiku nian, no mos planu orsamentu ne’e rasik EDTL-EP molok tama ba operasun ba  tinan foun 2021.

“Loron-loron tenke akompaña sira tanba sensitivu liu mak sira nia orsamentu molok tama ba diskusaun ba orsamentu jéral tinan fiskal 2020/2021” tenik Ministru ne’e.

Governante ne’e hatutan sei transforma manutensaun EDTL ba modernizasaun tanba dadaun ne’e uza hela manual.

“Sistema governu nian liu husi prosesu asesu fundu externa liu hosi  imprestimu ne’e papél Minsteiru Finansas nian, MOP iha tinan kotuk ha’u pronunsia katak ita tenke moderniza liu-liu liña distribuisaun, tanba ita nia sistema manual hela baiñira avaria hela fizikamente manual hela. Traballador EDTL sira lori lampra la’o tuir liña ninia avaria, ne’e ki’ik hela presiza lori tempu naruk hodi identifika, ne’e nesesidade ida ita halo dizitaliza ajuda ita hodi halo identifikasaun ho atendimentu ida ho rapidu”, esplika Salvador Pires.

Ikus-liu, Nia dehan, tenke investe iha rekursu, no mos presiza orsamentu hosi Governu.  Lop

Leave a Reply

Your email address will not be published.