INDICA Apela Ba Kandidatu PR Asegura Labarik Iha Kampaña

Naunil Média (Díli),  Institutu para Defeza dos Diretus das Crianças (Indica, sigla portugues), hamutuk ho nia parseiru hotu ne’ebé asegura no proteje direitu labarik, husu ba Kandidatu Prezidente da Repúblika sira hotu inklui entidades sira atu asegura labarik sira no fó protesaun ba labarik sira iha kampaña.

Prezidente INDICA, Dinorah Granadeiro, hateten, Kandidatura Prezidente Repúblika no Partidu Politika sira asegura labarik sira durante periodu mobilizasaun masa, sei la mobiliza labarik ba kampaña.

“ Iha preiòdu kampaña kandidatu sira no  partidu pokitiku hotu hahù husi elisaun jeral 2001 to’o elisaun jeral 2007, 2012,  2017 no 2022 involvimentu labarik kontinua a’as, ne’ebé fenòmena ida ne’e tenke hare’e hanesan situasaun importante tanba kampaña husi kandidatu no partidu politiku nian mak uniku festa demokrasia iha ne’ebé akontese mobilizasaun massa a’as.” Dehan Prezidente INDICA, Dinorah Granadeiro, liu hOsi Komunikadu Imprensa ne’ebé hala’o iha salaun MSSI, Kinta (24/02)

Nia haktuir, Organizasaun Não GovernamentÁl sira ne’ebé servisu monitoriamentu eleisaun sira li-liu ba halo dokumentasaun no relata katak labarik barak mak envolve iha kampaña balun mós abandona eskola hodi ba tuir kampaña.

Nune’e mós menus koñesementu públiku kona-ba direitu labarik nia partisipasaun polítiku, no menus konsiensia Eleitoral kona-ba atitude demokratiku sai hanesan impedimentu ba prosesu hari’i paz no estabilidade durante periodu eleisaun.

Prezidente ne’e apela mós ba média no komunikasaun hotu tenki kontinua halo kobertura imparsial no kritiku kona-ba partisipasaun labarik durante periodu kampaña. LTS