Filomeno: Austrália Sei fó Apoiu F-FDTL halo Portu Atrakasaun Rua

Naunil Media (Dili), Ministru Defesa (MD) Filomeno da Paixão de Jesus, Hateten, Governu Austrália sei apoiu tan Falintil- Forsa Defesa Timor-Leste            (F-FDTL) atu halo kontnstrusaun ba portu Atrkasaun rua ba ró ne’ebé mak sei mai iha fin 2023.

“Portu Naval Hera mós ohin ko’alia Prezidenti Repúblika fó diretivas  kona-bá nusa mak ita hala’o konstrusaun ne’ebé ita hamutuk ho Austrália, tantu Austrália fó apoiu atu halo portu atrakasaun  rua  ba Ró ne’ebé sei mai iha fin de 2023”, dehan Ministru   Defesa Filomeno da Paixão de Jesus iha Palásiu  Prezidenti Nicolau Lobato Bairru Pite, tersa (22/06).

 Nia hatutan, Prezidenti Repúblika fó diretivas ho sentidu ida haree mós preparasaun ida ba aumenta Portu para depois bele atraka tan ró ida ka rua.

“Ita aumeta ita nia portu para ita bele mais tarde ita bele atraka tan ita nia Ró ida ka rua para hola parte ba Ró Austrália nian halo patrollamentu tantu ba norte no kosta súl,” nia esplika.

Ikus nia dehan, agora seidauk halo hela aranzamentu akordu ho Austrália, tantu  iha ona akordu ho Austrália maibé tipu ida ne’e akordu doasaun ne’e,  tenke halo fali para akordu ne’e hotu mak komesa halo konstrusaun fíziku. Ipe