TL Extende EE Ba Da-VI Atu Kontrola COVID-19

Fahe Tutan

Naunil Media (Díli), Timor-Leste kontinua extende Estadu Emerjénsia (EE) ba da-neen atu halo kontrolu ba ba virus global munidal (COVID-19) ne’e, tanba númeru kazu COVID-19 iha país viziñu kontinua aumenta..

Prezidente Repúblika (PR) Francisco Guteres ‘Lu-Olo’ ba jornalista sira hafoin dekreta EE ba da-neen, iha Palásiu Prezidensiál Nicolau Lobato, Bairru Pité, Segunda (05/10).

Tuir Xefe Estadu Timor-Leste, Lú Olo, moras Covid-19 hadaet nafatin iha mundu no kalamidade foun ne’e hada’et lalais deit husi ema ba ema, husi rai ba rai no hamate ona ema barak iha mundu, loro-loron rona notísia la di’ak iha rai sira seluk, iha mundu tomak tuir organizasaun mundial saúde (WHO-Sigla Ingles) fó-sai iha 4 Outubru (horseik) rejista ona kazu komfirmadu liu miliaun tolu nulu resin lima no mate ona ema liu milliaun ida.

“Ita nia país vinziñu, Indonézia, rejista ona kazu konfirmadu liu ona rihun atus tolu resin no ema liu rihun sanulu resin ida mak mate ona. Iha Nusa Tengara Timur (NTT) konfirma ona kazu liu atus haat lima nulu no mate ema nain neen”, haktuir PR Lú Olo.

Eis-gerileiru rejistaensia no atual Xefe Estadu Timor-Leste, Lú Olo, haktuir liu-tan Australia  rejista ona kazu konfirmadu liu rihun rua nulu resin hitu no ema atus ualo resin mak mate ho COVID-19, iha  28 Setembru liu-bá, Ministériu Saúde (MS) fó-hatene kazu foun ida (1) tan iha Timor-Leste husi fronteira-rai, hamutuk TL rejista ona kazu konfirmadu totál hamutuk rua nulu resin ualo (28). Rua nulu resin hitu rekupera ona husi moras ne’e.

“Kazu foun ne’e, haketak  iha klínikia Vera Cruz no ita lae rejista ema ida mate. Maibé risku moras covid-19 tama-mai Timor-Leste boot tebes-tebes, liu-liu husi fronteira-rai no Fronteira tasi. Timor-Leste labele taka odomatan ba ema! maibé ema sira ne’ebé Tama mai Tenke hatuir medida sira ne’ebé Governu hatuur ona. Bainhira mai husi rai-liur, husi rai ne’ebé deit, biar mai kedas ho sertifikadu la iha moras covid-19, tenke tama kuarentena”, tenik PR Lú Olo.

Aman Nasaun ne’e informa, “Deklarasaun EE mak bele fó dalan ba Governu hatama ema iha kuarentena. La iha dalan legal seluk atu obriga ema tama iha kuarentena. Tamba ne’e ha’u dekreta Estadu Emerjéncia ba da-neen, hafoin rona Governu, konsellu Superior Defeza Seguransa (KSDS), Konsellu Estadu (KE) no hafoin simu autorizasaun husi Parlamentu Nasionál.  Liu  husi plenária hala’o iha sabadu kotuk, 3 outubro 2020”.

EE da-neen PR Lú Olo husu sidadaun hotu-hotu  hatuir medida husi governu ba EE ida ne’e no kumpri nafatin disipliña prevensaun covid-19 hanesan uza máskara, fase liman beibeik no hadook malu husi metru ida ho balun iha falin públiku.  

Entretantu EE ba da-neen, hahú husi 5 outonbru 2020, zero oras  sei remata iha fulan novenbru 3 2020, oras 23h 59 minutu. Pau/Emj9

Leave a Reply

Your email address will not be published.